DULE VARVARINOT

Писателот Варски и други раскази

2008-02-08T19:40:00.001Z

Конечно!!! Мојата книга ,,Писателот Варски и други раскази,, е објавена на сајтот на creative commons и на сајтот на метаморфозис.

СИМНИ ЈА ВО БЕСПЛАТНO ЕЛЕКТРОНСКА ВЕРЗИЈА

Ова е изјавата по повод објавувањето:

„Писателот Варски и други раскази“ е првото литературно дело на Душко Гошевски, повеќе познат како Дуле Варваринот од Валандово, кое од денес стана достапно за преземање преку Интернет во пдф формат. Книгата е заштитена со Криејтив комонс лиценца, благодарение на која секој заинтересиран читател, може да ја преземе, прочита, умножува и адаптира, се додека правејќи го тоа, го наведува авторот на делото и истото не го користи за комерцијални цели.

Ова дело тој го пријави на конкурсот за најдобра дебитантска проза „Новите: 2007“ во организација на издавачката куќа Темплум, при што влезе во потесниот избор за главната награда. Најголем дел од содржините во книгата се презентирани на неговиот блог, каде што покрај раскази и поезија можат да се најдат и мислења и критики за книжевноста, уметноста и музиката. Книгата се уште нема доживеано печатено издание, но авторот е – како што вели самиот – „непоправлив оптимист“.

„Од секој пат сум пишувал само за литературата“, вели Душко Гошевски. „Не знам зошто сега би било поинаку, односно зошто мојот бунт и резигнација да го пренесувам во оваа вест каде што треба да стои моето задоволство и радост што имам можност и начин да го презентирам моето творештво. Се надевам дека идните млади писатели на кои исто така им ја посветувам оваа книга, нема да го минуваат истиот пат по кој сега одиме ние, торпедираната младина од кич, неталент и бедна мисла, која се обидува да твори под некое неимуно стаклено ѕвоно кое мислиме дека не штити.“

Книгата е поделена на пет дела. Првиот дел е најобемен и е 50 процентно автобиографски. Во него, авторот ги опишува „сјајот и бедата на студентското живеење од очите на еден провинцијалец“ или „сељак“ – како што вели дека поинаку го нарекувале. Вториот дел се состои од експериментални текстови групирани под насловот Perpetuum mobile. Понатаму следуваат „Ѓоа Трилерите“ – мала пародија на жанрот. Четвртиот дел претставува мешавина од уметност и класика, додека петтиот дел е „поезија откорната од душата“...Поставувајќи ја својата читателска публика сосема непосредно пред делото, Дуле Варваринот порачува: „Уживајте“...

Многу благодарност до луѓето во CC и Метаморфозис, прекрасни сте!!!

2008-02-08T19:40:00.000Z

Конечно!!! Мојата книга ,,Писателот Варски и други раскази,, е објавена на сајтот на creative commons и на сајтот на метаморфозис.

Ова е изјавата по повод објавувањето:

„Писателот Варски и други раскази“ е првото литературно дело на Душко Гошевски, повеќе познат како Дуле Варваринот од Валандово, кое од денес стана достапно за преземање преку Интернет во пдф формат. Книгата е заштитена со Криејтив комонс лиценца, благодарение на која секој заинтересиран читател, може да ја преземе, прочита, умножува и адаптира, се додека правејќи го тоа, го наведува авторот на делото и истото не го користи за комерцијални цели.

Ова дело тој го пријави на конкурсот за најдобра дебитантска проза „Новите: 2007“ во организација на издавачката куќа Темплум, при што влезе во потесниот избор за главната награда. Најголем дел од содржините во книгата се презентирани на неговиот блог, каде што покрај раскази и поезија можат да се најдат и мислења и критики за книжевноста, уметноста и музиката. Книгата се уште нема доживеано печатено издание, но авторот е – како што вели самиот – „непоправлив оптимист“.

„Од секој пат сум пишувал само за литературата“, вели Душко Гошевски. „Не знам зошто сега би било поинаку, односно зошто мојот бунт и резигнација да го пренесувам во оваа вест каде што треба да стои моето задоволство и радост што имам можност и начин да го презентирам моето творештво. Се надевам дека идните млади писатели на кои исто така им ја посветувам оваа книга, нема да го минуваат истиот пат по кој сега одиме ние, торпедираната младина од кич, неталент и бедна мисла, која се обидува да твори под некое неимуно стаклено ѕвоно кое мислиме дека не штити.“

Книгата е поделена на пет дела. Првиот дел е најобемен и е 50 процентно автобиографски. Во него, авторот ги опишува „сјајот и бедата на студентското живеење од очите на еден провинцијалец“ или „сељак“ – како што вели дека поинаку го нарекувале. Вториот дел се состои од експериментални текстови групирани под насловот Perpetuum mobile. Понатаму следуваат „Ѓоа Трилерите“ – мала пародија на жанрот. Четвртиот дел претставува мешавина од уметност и класика, додека петтиот дел е „поезија откорната од душата“...Поставувајќи ја својата читателска публика сосема непосредно пред делото, Дуле Варваринот порачува: „Уживајте“...

СИМНИ ЈА ВО БЕСПЛАТНO ЕЛЕКТРОНСКА ВЕРЗИЈА

Многу благодарност до луѓето во CC и Метаморфозис, прекрасни сте!!!

Издаваштвото во 2008

2008-02-04T16:17:00.000Z

Имам обичај да ја прелистам ,,Годишната програма за остварувањето на национален интерес во културата,, уште при донесувањето и објавувањето, да видам што ќе биде приоритет во културата оваа година посебно во делот на издаваштвото поточно - преводната литература.

Бев пријатно изненаден од бројот на поддршани дела, одлично само напред.Инаку во македонската јавност досега се служаа жалби дека средствата се малку, оваа година тие биле многу? А сепак има примедби дека и овие не се доволно!?Затоа нема да навлегувам во лавиринтот нашата гнила критичка културна дебата која не знае што сака и нема да зборувам за таа тема.

Минатата година доста радосен пишував дека не очекува објавувањето на Џемс Џојс ( Портрет ...) Кафка,Буцати...

Значи да направиме мала анализа и за оваа година, мислам на преводната литература, не на теориските изданија или другите културни активности. Можеби некој друг ќе ги ,,прочепка,, тие сфери.А и програмата е јавна и објавена на сајтот на министерсвото за Култура. Повелете.

Во она што јас ќе го издвојам нема да ги спомнам многуте монографии, толковници, речници, теориски дела, книгите за деца и млади, македонските писатели ( нека останат тајна) и слични содржини од Програмата. Само позвучните преводни кои ќе ги купуваме, читаме и оценуваме оваа година.

Значи ќе почнам од Темплум, не само поради редоследот туку пооради следната вест. Оваа година во издание на Темплумци по прв пат на македонски јазик ќе излезе романот ,,Прашај ја правта,, ( Ask the dust) од неговото височество Џон Фанте. ( Буковски во една прилика има изјавено -Фанте беше мој бог.) Иако ја имам оваа книга на српски ( упитај прах) во издание на ЛОМ, неопорно ќе ја купам, и уште од сега ви ја препорачувам. Се надевам дека некој ќе ја објави и ,,Пат за Л.А,, што е пред дел на оваа.Пред неколку години беше и екранизирана во филм (Селма Хајек и Колин Фарел во Главни улоги)

Исто така од оние што ми се поинтересни а во издание на Темплум би требало да излезат

- Свртување на завртката - Хенри Џејмс , Насмевка во темница - Валдимир Набоков и неколку луди раскази од Томас Бернхарт

Кај Ѓурѓа од Луиџи Пирандело - Едно ниедно и сто илјади.

Од НПМ Симбелин од Шекспир

Од Силсонс ми засјаи во очите - Скриена македонија од Кристофер Делисо.

Од Табернакул - Фукоовото Нишало од Умберто Еко а мислам дека уште сега може да се најде во книжарниците ширум Скопје.Исто од нив втториот том од Проф. Мухич - Расата на филозофите.

Од сојуз на Литературни преведувачи - Франсоа Рабле - Гаргантуа и Пентагруел.

Од КИЦ ( за кој се дигна бааѓи џева по медиумите) не очекуваат неколку дела од Фуентес, Далај Лама ,Адорно Капра и др.

Од ТРИ ,,Боречки клуб,, од Чак Паленик.

Од ИЛИ - ИЛИ - ,,Катедрала,, од Рајмонд Карвер и ,,Колекционер,, од Џон Фаулс.
Од МАГОР - Пруст( Во потрага...) Орхан Памук со ,,Снег,, Роберт Музил ,,три жени,,.

Од Нова наша книга - Томас Ман ,,Волшебниот рид,,.

Можеби пропуштив неколку, нека ме извинат.

Ианку морам да спомнам дека ми е жал што нашите новинари оваа година повторно ги препишаа статиите од лани со мали корекции( буџетот е многу поголем но сепак најдоа начин да искритикуваат) и воопшто не нурнаа во содржината. Не тие ги презентираа изјавите и (не) задоволстбата на издавачите како тие да се најбитни во целата работа. А јас колку што можам да сватам реципиенти на културата се граѓаните а не издавачките куќи,заради нив се стимулира културата со финансиски средства. Но нив никој не ги прашува. Битно е да се задоволат издавачите и ,,Македонскита угледна писателска елита,,. Другото не е важно. Ниту насловите ниту квалитетот. Ниту самата книга и содржина.

П.С Еве линк кон годишната програма која е презентирана на сајтот на Министерството за култура.

Влегов во финале

2007-12-11T18:05:00.000Z

Само што ја прочитав информацијата на сајтот на темплум, влогов во финалето за

конкурсот за најдобар прозен дебитантски ракопис - НОВИТЕ
за 2007 година

Во финалето влеговме јас и уште четворица еве го списокот

Список на ракописи влезени во потесниот избор за наградата Новите:

Сега драги мои и официјално сум во делириумска фаза, сега ќе ми потечат очите, ќе ми се сушат усните и раздразливоста и отсутноста ќе бидат се почести.Потребно е да пијам доста течности и да дишам длабоко.

Тешко на оние кои се до мене во наредните неколку дена, не би сакал да сум на нивно место.

креативно пишување & кни

2007-11-14T15:37:00.000Z

Имам две значајни новости да поделам со вас.

1. Отсекогаш сум се одушевувал и сум размислувал како е студирањето на големите универзитети, На Кембриџ и Оксфорд, на Харвард, Јеил, Сорбона. Посебно ме воодушевуваа нивните библиотеки, читални, атмосферата, глетката...Пред некој ден ги постирав и магичните слики од тие библиотеки. Духот на науката живее во студентите кои искрено се посветуваат на тоа. Не дека и таму нема шалабајзери.

Кога почнав да сурфам и пребарувам по интернет ( најчесто книжевнички теми) наидов на нивните наставни програми и читав некои авторизирани предавања, курсеви итн. Речиси недоминлив предмет кај младите книжевници е creative writing односно КРЕАТИВНО ПИШУВАЊЕ. Моети интересирање за ваквите предавања/курсеви е огромно, секако поради мојата пасија кон пишувањето.

Подоцна по речиси темелно пребарување низ сите книжарници низ Македонија дојдов до еден примерок со ваква тематика. Kreativno pisanje – го најдов во табермакул, мислам дека има уште некој примерок. Мала кратка но доста интересна книга, со делумно добри практични совети. Подоцна , специјално порачав учебник по креативно пишување од еден мој другар од Амстердам – creative writing coursbook – подготвен и издаден од неколку предавачи од Универзитетот во Оксфорд. Тоа беше минатото лето и ми пружеше некакво задоволство и сатисфакција. И сега доаѓам до главната вест до поентата што би рекол Јанко.

РАБОТИЛНИЦА ЗА КРЕАТИВНО ПИШУВАЊЕ

Во организација на издавачката куќа Темплум

Да да, просветлување што би се рекло, можете да си замислите каква беше мојата реакција. Нема да пишувам за можностите, искуството и значењето што го носи ваквата иницијатива, посебно за нашата мала сиромашна книжевно-културна сцена. Инаку работилницата треба да почне да работи кон крајот на ноември или почетокот на декември. Информации на:

2. Пред неколку дена низ книжарниците ширум Скопје осамна едно ново книжевно списание.Се вика КНИЖЕВНО ЖИТИЕ. Во него наидов на интересни содржини, Има интервју на Кристева со Дерида, извадоци од делата на Тома Аквински, посебни делови во кои се застапени македонските поети и прозаисти,Проф.Мухиќ и други содржини. Искрено се надевам дека ова нема да биде уште едно од многуте мали книжевни списанија и дека ќе успее да се наметне на книжевната публика.

Списанието во првиот број има 110 страници и може да се најде во сите поголеми книжарници низ Скопје по цена од 100 денари.

Несредени мисли

2007-10-19T02:12:00.000+01:00

Не ми се тропа, мислам не ми е до тропање. Не ми се расправа за нобеловци , букеровци,славкојаневци, вукдрашковци и сталепоповци. Едноставно без ,,нели, да бидеме сериозни. Имаме килава, полуписмена, недобро подготвена, младина. Со слаба книжевна основа со подлога која наликува на гнила распукана осовина од 101 која патем сеуште се вози надвор од ,,ветената земја,, .
Што ми е муабетов. Пред некој ден ( тоа значи можеби е и пред два месеца) влегувам во општинската библиотека. Порачувам - се од Хемингвеј. Ми носат скоро сите дела од него и се сеќавам како пред мене сега да излегуваат картончињата од првите страници.
- Од ,,Сонцето повторно изгрева,, или ,,Sun also rises,, izdadena posleden pat 1997
- Од ,,novelle,, издадена последен пат 1989
- Од ,,Снеговите на килиманџаро,, 2002
- Од ,,реката па во шумата,, - ПРВ
Ниеден не може да ми го заблажи или потсмири овој поразителен факт. Ниту новиот проект за превод на 60-тома досадна домашна литератута ниту некакви издавачки проекти за популаризација на книгата. Проблемот е структурален, домашен и чисто наш. Ние самите можеме да го решиме . Потребни се само неколку ситни работи.
Добра владина образовна политика, околу 2 милиони долари институционална и барем уште 5 милиони долари за структурална и неповратна помош, околу 10-15 години чекање на првите резултати, и уште 20 години агресивна книжевна политика за создавање на некаков слој на напредни, книжевно и литерарно освестени граѓани со истенчен вкус и добар уметнички видик. Ова е најоптимистичката ( и своевремено и најевтина) варијанта која можеби а најверојатно ( со оглед на подлогата) и нема да успее и ние понатаму ќе имаме темна книжевна судбина.
Потребни се векови и генерации и посебен ,,калем,, за оние што сите бараат и сакаат да го видат кај народот а тоа е уметничка префинетост и стабилна достоинствениост на која сите ќе се осврнуваат и повикуваат . Уште долго нема да ги дочекаме првите звуци на достоинствено кукурикање, петелот на нашата книжевна будност ние го колеме и од него уште долго време ќе правиме одлична семејна пилешка чорба, место да го чекаме да ги оплоди ... коковчињата.
Но сепак ако некојпат случајно, и само поради самоволноста и самонадградувањето на некои наши ентузијастички настроени писатели, успееме да се пробиеме кон ЗА ПРВ ПАТ балкаснкиот книжевен врв ( пр.НАШ КНИЖЕВЕН ТОШЕ ПРОЕСКИ) тогаш можеби некој ќе се заинтересира за некаково поддржување на литературната иднина кај нас.
Без да навлегувам во геополитичката или конспиративната визија која владее на нашите простори, јас само зборувам и пишувам за литературната сегашност без да напоменам за нашето балканско минато кое ете конспирацијата и светскиот заговор не ги спречи да ги ,,издаде,, - Мажураниќ, Крлежа, Андриќ, ... и воедно прогнозирам дека на балканскиот а и светскиот книжевен светилник допрва ќе блеснат НАШИ писателски светилки.

2007-09-05T17:34:00.000+01:00

Проверувајќи ги web-содржините во најновата ,,Маргина 76,, наидов на интересно откритие, писателот Едуард Лимонов. Патем ве поканувам да прочитате еден расказ -Тихиот Океан, Pacific Grows кој е ставен на страната на темплумци. Не сум сигурен за останатото негово прозаистичко творештво но судејќи според расказот кој е презентиран тој е интересна книжевна појава или во превод - обожавам циници.

За неговото животно дело се сврзуваат интерсени провокативни и контроверзни мигови но тоа е нешто што многуѕ малку ме интересира освен можеби изјавата на Солженицин кој го нарекува ,, мал инсект кој пишува порнографија,, а овој (Лимонов) со контра реплика во стилот на нашите парламентарци му враќа дека е предавник на неговата земја. Да. Се пердашеле без процедурално.

А потоа откритието кое го пронајдов и ме израдува. Следното издание од едицијата Магма ќе биде токму Лимовов( Жени, вода) и верувам дека ќе биде дополнителен и освежувачки придонес кон засилената авангардната, постмодерна книжевна сцена која ја поставува Темплум кај нас во последните неколку години. ( Колку и тоа бајато и подлизувачки да звучи)

Студенти од внатрешноста

2007-06-29T16:49:00.000+01:00

Заврши студентската година, ако ме разбирате.Не завршија испитите, не завршија предавањата или дополнителните активности , не заврши сесијата или барем не се радувам на тоа. Се радувам штп заврши студентската година. Да појаснам низ неколку точки

1. Денес утрото се разбудив со грда, погрда фаца од вообичаената. Собата беше хаос, мојата студентска соба на петтиот спрат без лифт. Почна најлошиот ден во студиската година. ( И први септември е лош но има некаква надеж во него, некако поинаков е)

2. Тркнав до обилните продавници, ги окрупнував парите од касичката, побарав кутии за пакување и големи кеси.

3. Дома пакував околу три часа i седнав да јадам бајат леб ( не се купува пресен леб последниот ден) и пржени јајца во маргарин наместо масло ( не е лошо). Подолго време ја тирев чинијата, немав сјај а не се купува сјај последните денови.

4. Откако се најадов ми олакна, седнав да одморам а и го немав оној кисел здив во устата, исчезна. Инаку вчера и денес не ги миев забите оти пастата сврши а никој ( прашајте слободно) не купува паста последниот ден.

5. Потоа дојде потешката задача, морав да ги мијам теглите што заостанале, околу петнаесет. Само четири имаа мувла и не мирисаа толку лошо како оние минатата година. Успеав да ги измијам но не можев да ги измијам пластиките, беа целосно упропастени од некој слој на мувла и бактерии. Ги фрлив.

6. Вкупно беа пет кутии, две торби и три поголеми кесиња. Немав место да го ставам шахот, верувале или не морав да го оставам. И картата на Европа. И еден парфем при крај.

7. Ме охрабруваат убавите мисли за наредниве месеци , за комплетот книги што го набавив пред крајот, за Солженицин со кој ќе се занимавам летово, со едицијата 20/21 век, па и малку со некои поопуштени трлилерчиња и филмови, мирот и спокојот на мојот град...

8. Иако се трудам да бидам писател не можам да ја опишам агонијата низ која поминав додека на 40 степени ги макнев торбите од едно до друго место, од еден до друг автобус за да ги испратам дома, дел по дел, две по три.Повеќепати одбиван, како и неколкумината што се со мене.

9. Сам слободен и лесен како пердув, слатко преморен седам во ( еве гледам 18.10 е часот) во студенстското интернет кафе и пишувам како го поминав најпосраниот ден од целата студентска година без деали, без ни малку да се приближам до вистинската мака што ја минувваме јас и уште 10 000 ченови на казнената експедиција наречена –студенти од внатрешноста.

Не ми обраќајте внимание, бладам

2007-06-06T16:49:00.000+01:00

Не може да се поедностави ниту да се симплимизира еден текст, без претходна висока интелектуална подготвоност на авторот. Не може да се постигне целосна , врховна синхронизација на мислата со текстот.Едноставноста е одлика на сложените. Убавината е во простотата. Оставањето на траг , пишан траг на хартија од страна на една индивидуа е заведување, жигосување на мислата и идејата но на еден префинет начин. Сиротата домородна класа, која не ги имала условите нивните господари да ги запишат нивните размисли, традиции, нивната историја секако, согореле, согорела како кандила.Виорот на култната вртимушка ги сотре духовните материи створени од нив. Толку за домородците.Баш ми е жал за нив.

Ме фасцинира претходното познание на големите идеолози, мислители, писатели. Односно големите визионери. Пишувале, твореле, создавале иако знаеле дека се понапред од времето, дека нема да бидат сватени, дека ќе бидат жигосувани,палени. Дека нивната работа може да заврчи на буништето на историјата, на таа голема гробница на великани.Но и покрај само свесноста, покрај свесното тонење во бездна секако не интелектуална, тие продолжувале. Твореле и пишувале, создавале и не прекинувале. Нема да ги објавувам, класифицирам или цитирам. Тоа е маленкост кон која пребегнуваат оние кои немаат своја мисла. Само ги земам за приемр.Не како утеха, далеку сум како нашите писатели што се далеку од светските. Светлосни години.

Друга ми е поентата. Овој текст нема да им се допадне на многумина. Како ни просто создадените и едноставните. Тогаш ШО КУР ТРЕБА ДА НАПИШЕ ЧОВЕК ЗА ДА ИМА ОДЕК ...

Не ми е наменет овој текст кон блогерската заедница, ниту кон домашната јавност, не е кон нашите писатели или академици сеедно, едноставно пишувам за вонземјаните...

ЌЕ ПРАВИМЕ ЛОМ?

2007-05-28T12:49:00.000+01:00

ИНТЕЛЕКТУАЛЕН ГНИЛЕЖ

Извикани се сите дебати околу книгите , писателите или читањето воопшто. Извикани и досадни со се сториите околу саемите, вистинскиот вкус на читетелите, продажбите на книгите... сето тоа . Не можам ни да се сконцентрирам на првиот дел од овој текст, се надевам и мислам дека последен пат пишувам за вакви бајати теми. Мислам да се отргнам од лицемерието, недокваканоста и лажната загриженост на оние кои стојат зад овие претежно заморни интервали на книжевната апатија.

ОСВЕН ОВДЕ

Во светот и пошироко постојат работи за кој вреди да се пишува, чита,занимава или едноставно сака и почитува.Чиста борба против се она што се нарекува - залажување на масите,нивно заинтегрирање со бледи копии на некаква културна дебата, ставање превез врз очите на масата интелектуалци кои не можат и не се свесни доколку сами да проникнат во гнилежот околу нив.

КНИЖЕВНА РЕВОЛУЦИЈА

Или чиста борба против други форми на уривање на човековото достоинство. Таа борба, (зборувам за книжевната) е проткаена со бесот, бедата и агонијата на писателите кои пишуваат за тоа, нивната сурова реалност која напати е потресна низ нивните страници. Уривајќи ги сите стереотипи за писателот како брадосано костумисано старче со галантни манири, таа битка на ревулуционери-писатели можеме и ние ја да проследуваме со задоцнување од половина век но сепак во одличен тајминг со оглед на околностите. Неодамна почнавме да откриваме едно ново поле во книжевноста, може да се нарече и некоја андерграунд книжевност кај нас( во светот одамна е култна), која придонесе на истенчување на вкусот на една категорија на луѓе кај нас, како и осознавање и размаглување на одредени појави.Покрај ТЕМПЛУМ ( Буковски, Рудан) и ТАБЕРНАКУЛ ( Селинџер) Доста голема можеби и најголема заслуга за оваа појава Српската издавачка куќа ,,ЛОМ,, . Во нивната ( јас ја нарекувам ) просветителска мисија тие го преведоа и издадоа поголемиот дел од творештвото на Буковски, како и Селинџер, Џорџ Орвел, Кнут Хасмун,... се надевам дека овие изданија ќе ги видам издадени и од некоја наша издавачка куќа.Белки не се плаши некој ?

Во прилог го ставам и интервјуто со човекот кој е најзаслужен за излегувањето на оваа едиција.

Lom je moja furka!

Буки добро штанца во последно време

2007-05-17T17:21:00.000+01:00

Два одлични поста на Букарски , не ве оставаат рамнодушен

Кафка против Вертер

Курвини синови

Ми се допадна и третиот ,,лажниот бунт на малиот Бернард Маркс,, но само во некои сегменти, без субјективните напади ( кон Вуната ) зошто се уште не се знае оддекот на оша што го работат иако и јас сум скептик.Треба да се дозволи на младешката енергија да покаже што и дали нешто знае и умее.

Конечно заврши.Едвај чекав

2007-04-22T16:53:00.000+01:00

Заврши најлошиот( бар откако јас почнав да одам5-6 години) саем на книгата досега.Мислев да пишувам некоја критика, импресии ова она ама си велам дај батали.Само ќе нафрлам неколку работи.Ако постот е лош тоа не е заради мене, туку под влијание на Саемот.

НЕГАТИВНИ:

- Цените беа - кај Матица поскапи, кај Слово исти , кај останатите со минимални попусти.
- Имаше две НАЈнови романи од Роберт Ладлам.Тоа се 5 и 6 по неговата смрт.(Почина пред шест години).Се чудам како стално му наоѓаат необјавени романи.
- Оние девојки и момчиња што беа вработени, барем повеќето беа изгубени не само на штандовите и во насловите туку чинам и во просторот .Се кладам дека немаат прочитаноповеќе од две книги во изминатава година.
НЕМОЈТЕ ДА МИСЛИТЕ ДЕКА АКО НЕ НАБРОЈУВАМ НЕМА ПОВЕЌЕ НЕДОСТАТОЦИ.НЕДОСТАТОЦИТЕ СЕ ГОЛЕМИ, НЕ МОЖАМ ДА НАБРОЈУВАМ ИЛИ СДПОРЕДУВАМ СО ДРУГИТЕ САЕМИ.

ПОЗИТИВНИ:

-Новите 4 изданија на Темплум и нивниот попуст од 30%
- Изданието на Ѓурѓа ,,Татарска Пустина,, од Буцати
- ,,ИЛИ - ИЛИ,, со попустите од 20-30% и Новиот преведен роман од Улебек( Го читав и Вуди Ален - Човекот е НЕСЕКОЈДНЕВИЕ)
- Конечно иако скапи сепак купив неколку романи од Табернакул - Кундера,Селимовиќ...
- И толку ...

Кучињата си лаат , карванот си врви

2007-04-14T15:12:00.000+01:00

Само што прочитав еден одличен и доста елоквентен пост за саемот на книгата кај Tanya , којa на еден луциден и сатиричен начин ги ,,разголи,, проблемите околу издавачите и понудата за овогодишниот саем. Секоја чест, наполно се согласувам со неа и сакам да го дополнам околу уште еден промлем, појава која што се врзува со овој настан и кој на ист начин е болна и страда од стереотипност.Тоа е медиумската презентација на овој настан.
Далеку од тоа овој на стан да не е покриен од медиумите, напротив постојано е застапен во речиси сите наши медиуми. Проблемот е во следното:
- Од денес натаму сите медиуми ќе известуваат за Саемот на книгата но притоа истовремено ќе ја повторуваат статијата ( напишана можеби 199х) и секојдневно без некои свежи информации ќе трујат една те исто.
- Вокабуларот на оние кои ќе известуваат од таму нема да се разликува од еден до друг ден, од еден до друг презентер или известувач.
- Разни славни личности ќе го посетат саемот политичари,пеачи, политичари, глумци, политичари, стилисти политичари итн што ќе бидат и вести на денот кога ќе се преентитаат тековните случувања.
- Ќе ги оплакуваме издавачите претставени како жртвени јагниња, тие ќе се согласат со констатираното и ќе ја пофалат луцидноста на новинарот кој еве успеал да ги разбере.
- Дури и секој ден да биде претставуван по некој настан тоа е толку површно и несуштински што понекогаш и не ги дочитувам статиите посветени на Саемот.
- Ќе се отворат темите
- Читаат ли македонците? - Па во последно време се следи нагорна линија дрн дрн
- Што читаат македонците? - Претежно бестселери но не се ретки и оние кои сакаат да прочитаат некоја вредна литература дрн дрн
- Дали се скапи книгите? Да но ние сме мала земја и немаме големи тиражи дрн дрн.
И уште неколку слични теми кои ќе згаснат со денот на официјалното затварање на Саемот и ќе се префрлиме на друга тема, можеби ПДП ќе влезе во власта?
Суштински нема да се загребе под површината, Матица ќе констатира одличен саем, помалите ќе си ги отплатат тезгите и така натаму се до идниот.
Досадно и бедно, она зборување за бројот на издавачи 200-300 некои од ракав извадени бројки па макар и да се точни не знам што менува тоа.
Баш сакам да видам дали некој млад и амбициозен новинар ќе се дразне да завлезе во суштината на проблемот, цел, опсежен не само во смисла на овој или постот на ОКК, туку и подлабоко и посмело за сите пропратни појави од кои боледува книжевниот живот кај нас па ако треба и преку повеќе фељтони за време на саемот.

тенки иверици

2007-04-11T18:04:00.000+01:00

Постојано ги одбегнувам дневнополитичките теми, сториите , комерцијалните блуеници на нашата естрада, ,,независноста,, на медиумите и сл. Мислам и да продолжам со чистината и бистрината на префинетата книжевност, на безвременската класика или уметничките правци.
Но поѓаволите луѓето почнаа да крадат деца од мајките, камбани од црквите, пари од иконите.
Уште колку ќе се издржи?

Што не очекува во книжевната 2007

2007-03-23T18:32:00.000Z

Ја разгледував годишната програма на министерството за култура, во однос на издаваштвото.Се сеќавате претходната програма беше укината, и со нова комисија се усвои и нова програма. Нема да навлегувам подлабоко во таа тема , која ,мислам дека беше доволно присутна и во јавноста и во медиумите во смисла на своите недоследности, поплаки како и пофалби за енергичноста и решеноста на владата да ја слуша општата клима кај издавачите, па да овозможи поголема транспарентност и опфатеност. Да појаснам на никој не му пречи јавната дебата по ова прашање, напротив добредојдена е. Друго нешто ме копка.Сите пишуваат за средствата, за финансиите, па за членовите не комисиите нивната (не) компетентност и слични па би рекол и побанални прашања.Побанални во однос на она са што решив да пишувам овде.
А тоа е ,,Програмата за 2007,, .Се сеќавате нели? За тоа зборувавме и за тоа се кршеа копјата цела зима. А никој, речиси никој не навлезе и постудиозно и подлабоко во суштината на таа програма , во она што таа го нуди, нејзините цели и.т.н. Почекав да стивне малку атмосферата и кога тоа прашање исчезна ( и неговото место го зазедоа други дневнополитички активности) решив да презентирам дел од неа, барем она што ми е поинтересно. И јас нема да задирам во длабочините на оваа проблематика( барем не сега) делумно заради мојата некомпетентност иако имам право како граѓанин,студент и даночен обврзник, а делумно поради недоволната упатеност во работата на издавачките куќи.
Затоа ќе презентирам неколку дела кои ќе бидат поддржани годинава од Министерството за Култура а кои мислам дека вредат да бидат издадени.Не дека за останатите не мислам така, секоја книга си има своја вредност и од нејзиното постоење нема никаков зијан, но сакам да ги издвојам моите омилени наслови. И уште нешто нема да објавувам од кои издавачки куќи ќе бидат објавени, тоа можете да го видите на сајтот на Министерството за култура.
Џејмс Џојс, “Потретот на уметникот во младоста”
Салман Ружди, “Исток, Запад”
Дино Буцати, “Татарска пустина”
Умберто Еко, “Отворено дело”
Франц Кафка, Преобразба и други раскази ( баш се израдував за нив)
Ернесто Сабато, “Херои и гробови”
Секако и некои македоснки автори кои не ги спомнувам за да не ги разгорувам страстите (болна тема) , но морам да речам дека со нетрпение ја очекувам книгата од Проф.Др Ферид Мухиќ ,,Расата на филозофите,,.
Искрено се запрепастив кога видов дека на територијата на Република Македонија фигурираат безмалку 40 списанија од оваа или други блиски области. А јас едвај мижам да најдам две-три. Не можам да зборувам за нивниот квалитет, но мислам дека во нормалниот цивилизиран и развиен свет списанијата се продаваат и читателите ги купуваат и потоа ги читаат и би сакал оваа практика што поскоро да се востанови и овде.Јас воопшто немам проблем со плаќањето на тие списанија, јас имам проблем со нивното пронаоѓање.Затоа од утре имам официјална ,,Индијана Џонс,, мисија и сум во потрага по книжевни списанија а благовремено ќе ве известувам и вас за моите пронајдоци.
Слободно можеме да дискутираме на оваа тема, дали ви се допаѓаат финансираните изданија, дали требало и некои други да влезат на оваа листа, но мојот став е познат и претежно сседржам на ова што го напишав погоре.

НАПРЕЕЕЕД!!!!

2007-03-07T16:51:00.000Z

Со задоволство можам да истакнам дека расказот

НАПРЕЕЕЕД!!!

го освои третото место на ЈАНУАРСКО - ФЕВРУАРСКИОТ - електролит конкурс. Исто така ќе биде објавен во ,,Маргина,, ( што всушност е мојата најголема сатисфакција).

Уште кога го презентирав на блогот напишав:

,,Нај дво, тро ( повеќе) смислениот расказ што сум го напишал.Повторно во еден вид експериментална форма.,,

Критиката пак на жирито( која навистина продре до сржта на идејата) е :

Гошевски Душко го заслужува третото место со кусиот расказ „Напреееед!!!“ во кој некој нејасен ентитет (да го наречеме народ, или да не ја откриваме веднаш пораката на расказот:) е во уште понејасно движење кон нејасното напред. Прекрасна метафора, успешно спастрена во само еден пасус или неколку редици текст, во кои авторот кажува сè, а сепак не толку многу да ни го разоткрие дуалното значење на пораката.

Со тоа е остварен еден мој сон, иако за некои ситен сепак многу драгоцен, кој ме исполнува и ме тера да продолжам напред.НАПРЕЕЕЕД!!!

П.С Иако мислев дека Љубовно крешчендо ( еротика) и Проклетството на четворката ( трилер/хорор) имаат берам еднакво исти шанси поради поинтересната ( но и покомерцијална) содржина.

Научното цунами ќе не одмине

2007-02-06T16:57:00.000Z

Најпрво малку историја:
Во далечната 1988 на еден состанок во Вашингтон 33 ентузијасти од различни професии; изтражувачи, правници,метеоролози, картографи... одлучиле да го формираат друштво ( сега веќе институцијата) National Geographic Society, под водство на Gardiner Greene Hubbard. Останатото е историја.

Би сакал да напишам нешто за продорот на ова списание на Балканот.

NGM во ХРВАТСКА

Во ноември 2003 година на хрватските граѓани им се случи ( според нив) најубавата работа во последните 10 години. Излезе првото списание на хрватски јазик со што таа стана 25 членка на оваа организавија.Интересот беше наверојатен, за само три месеви ова списание нанижи 10.000 членови( претплатници) и секој ден бројката се зголемува.Сега излегува во тираж од 35000 примероци.
Додека бев во Хрватска и самиот се уверив во еуфоријата што ја предизвика NGM. Списанија, сликовници, ДВД, маици, ранци се со жолтиот оквир. При еден разговор со еден мал пријател од Сплит кој неодамна заврши основното образование тој ми извади и ми подари неколку броеви од списанието.
- Кај нас ова се користи како додатна настава.
Не можев да поверувам, ова е навистина одлична идеја. Додека се развиваат децата се како сунгери кои што впиваат се околу себе, жедни за знаење. Сунгери во морето на NGM.
NGM Хрватска од неодмна има свој блог
Со среќа нека им е.

NGM во БУГАРИЈА.

Пред некој ден додека го читав завршниот збор на Уредникот на NGM Chris Jones ме изненади пријатно статијата. Пишуваше за неверојатниот интерес на Списанието во Бугарија по само една година издание. Значи на крајот од 2005 година Бугарија го доби својот NGM магазин. Со алал нека им е.
Покрај тоа излезе и статија со наслов ,,Бугарска златна грозница" подготвена од A.R.Wilijams, во која Бугарија е претставена како ризница на културни артефакти и како Елдорадо за плачкашите. Во разговор со Бугарскиот археолог Китов, откриено е значењето на Бугарија за светската цивилизација, и тоа во статија која ѓе го обиколи светот и ќе донесе голем меѓународен углед на Бугарија.
Со среќа нека им е.

NGM во СРБИЈА.

Во ноември 2006 србија стана 29 земја која се проклучи на оваа организација. Списането кое започна да излегува лично беше поздравено од Претседателот Тадич, и од целокупната јавност. Прославата се одржа на 25 октомври во Земун, и додека се уште трае еуфоријата во Србија,NGM започна да ги истражува благодетите на овој пребогат со култура Балкан, со цел да им го претстави на светот во поинакво светло.Уште во вториот број беше публикувана стара статија насловена како ,,Kraljestvo nezavisne srbije" од A.S.Idings која датира уште од 1912.Сликите на тогашен Белград ( од Noks Merejen)
Нека им е со среќа

Ние не свативме дека преку едукација и образование, како и преку претставување на нашето културно богатство, нашите природни убавини и историја е нашата единствена шанса за просперитет на МАКЕДОНИЈА. Ние ја пропуштаме нашата шанса.
Затоа да апелираме, да предложиме, да молиме и вриштиме за NGM на МАКЕДОНСКИ

Кој го дрпна Џемс џојс?

2007-01-25T11:18:00.000Z

За почеток сакам да цитирам двајца блогери кои го наговестуваат и мојот став и она што сакам да го напишам.
Прво тоа е Мечето ушко кој во својот пост за Итало Калвино вели

„Во продолжение ќе Ви преставам еден од моите фаворити, пистели кои со задоволство сакам и уживам да го читам. Овој пост воедном е и мојот јавен протест за шундот од книги кои се преведува и се пласира на нашиот книжевен пазар како бест селер. Погледнете ја само палетата на преведени книги од Матица кои деновиве се нудат на распродажба. Шунд книги која од која. Значи ако сакате стварно да читате читајте го Мечето Ушко и следете го.„

Веднаш потоа со сличен ( веќе познат став ) излезе и Букарски кој во својот пост со сосема друга тематика вели:

„п.с. иако, кога гледав како во “Матица“ сите се грабаат за шунд-бестселерите од типот “темплари, масони, циашки дневничиња и исповеди на руски ороспивчиња“ не се зажелив толку и мене да ме купуваат. да бидам појасен, не би се радувал кога “Падобранот..“ би станал таков бестселер, не сакам секоја будала да може да ја чита мојата книга.не, тоа никако. но, барем да ја има, да постои на рафтот, за одбраната читателска публика да може да допре до неа. „

Иако мојот став не е толку ригиден, се водам од максимата - со оглед на тоа каде живееме подобро е луѓето да читаат било што одколку ништо - сепак морам да го изразам моето незадоволство.Како прво, покрај овие јајце на јајце исти бестселери, треба да вложи напор кон промоција на вистинската литература.Било современа било класична. Веќе пишував за Пруст.Го чекаме Уелбек. Ќе пишувам и понатаму.
Второ па макар и бестселерите, кои чинат по 10-12 евра ( толку се и во САД зирнете низ мрежата) сега се намалена на пристапна и нормална цена од 150-200-250 денари и тоа се најавува како невидено намалени, дрн дрн и ,,тако дање,,.Пази наслови,
Но од оваа кампања може и нешто да се научи, а тоа е дека во ова постмодерно време во овој свет на глобализацијата, рекламата и маркетингот го вртат светот, ги продаваат продуктите, и треба да се оттргнеме од мислењето дека ,,комерцијалата е кичерај„.
Што Енди Ворхол и неговата фабрика се кичерај?
Вуди Ален е кичерај?
Нора Џонс е кичерај?

А најинтересно беше што пред влезот на матица има една корпа, канта во која се нафрлани книги и пишува СЕ ПО 50 ДЕНАРИ. Сите ја одминуваат, никој не ни погледнува кон неа.Ај си велам да зирнам што има внатре.Претам преку досадните поетски изданија и гледам ,,ДАБЛИНЦИ„ од Џемс Џојс , понатаму ,,ПОРТНОЕВАТА БОЛКА„ од Филип Рот. Се по 50 а? Иронијатата е чудна работа.
Се враќам со автобус, до мене и пред мене три пријателки седат и разговараат.
- Нема зошто да ја копираш, ќе ти ја дадам за две недели.- ја разгледува, не можев да го зирнам насловот, нешто за уредување на животот ли, на домот ли, некаков советник кон животот.
- Ова е прекрасно, едноставно прекрасно. - коментира пријателката што седеше до мене.Се свртува таа пред нас ме гледа мене, јас пак во рацете го имав ,,Двојник„ од Достоевски, баш го разлистував. Ме погледна како лепрозен. Добро е си велам и да имаме омраза нека е литературна барем да не е верска, или етничка.
Ќе завршам со еден коментар. Шетаме со еден драг пријател по саемот, секаде изложени книги, со ,,интересни содржини„ ( ќе најдат, нели, древно писмо, со кодови, моќна организација ги трчка тие бегаат и на крај го спасуваат светот од страшната вистина). Едно време по повеќе минутно вртење-сукање вели:
- КАЈ СЕ КНИГИТЕ ДА ГО ЕБАМ?

Јас и Пруст

2007-01-22T23:57:00.000Z

Нема обичај да презентирам писатели или нивните дела, да давам критика или да ги анализирам.Всушност, често посетувам една блогерка кој одлично ја врши оваа работа, нејзините постови се професионални но не и досадни, на анализата и дава дух Мене, мислам дека не ми лежи оваа работа , а и сум во некој меѓупериод во кој мојата перцепција за нештата константно се менува, како и погледите кон одредени појави, култури и случувања. Еве од воведот се гледа дека кога сакам да напишам нешто вакво се сплеткувам како бруцош на забава во СТИВ.

Деновиве го читам Пруст, биографија за него нема да презентирам, може да зирнете овде или поразбирливо овде. Долго време се канев да почнам со него, мислам со читање. Да објаснам подобро, во одредени периоди читам одредени врста на литература, со нив можам да заглавам и по неколку месеци пред да се префрлам на друга .Сега почнав да се занимавам со класиката и налетав на него. Навистина ме импресионира, сеуште не знам дали ми се допадна но јасно ми е во каква тешкотија се наоѓал Проф.Марјановиќ кој ја заслужува мојата благодарност поради неговата просветителска мисија и ја сваќам комплексноста на која порано алаудираше во неговите колумни.( последната реченица беше во прустовски стил). А на крајот на книгата како благодарност еден наш академик има некаков поговор како израз на благодарност кон Професорот Марјанович, и исто така, нормално за македонската интелектуална фела се потрудил истото да биде што понеразбирливо за повеќето од читателите со што континуирано ја продолжуваат нивната долгогодишна практика да го одвратат читателот од книгата. Не намерно но едноставно така е.

Но да продолжам. Ме изненади начинот на кој ја опишува аристократијата и високиот слој.Не развратно , или поддржувачки пристојно, едноставно подруго. Кој го читал ќе ме разбере, Пруст вреди за својата репутација, и не апелирам( оти ќе изгледам како кретен) но би сакал да ги видам и другите негови дела преведени на македонски јазик.

П.С Без слични поговори секако.

Зимски Рапорт

2007-01-17T18:44:00.000Z

Ме нема , ме нема па ќе се изгубам. Не сум присутен , поточно активен во последно време овде и за тоа има неколку причини. Апстинирам од цигари и алкохол( инспирација) , но токму поради тоа имав намера и ја спроведувам како мал експеримент. Дали подалеку од гласните кафеани и невозможно пресиленото славење во турбо атмосфера, може во мир и совршена хармонија да се почувствува духот на празниците, односно божиќно расположение. И да одговорам на ова долго и во прустовсаки манир поставено прашање.
ДА МОЖЕ!!!
Притоа не мислам да ве одвраќам од кафеаните и славите, млади сме и треба да го вкусиме тоа, но некако кај мене барем сега ( дали од презаситеност мој Дуле си велам понекогаш) преовлада другата варијанта.Топол оган, книга, компјутер, ретко и вино, топли напитоци, џез и класика. Уште снег недостигаше. Идила, најдобро помината зима до сега. Одморен и свеж со бистри мисли пред две недели започнав да го пишувам и мојот роман( имам напишано и еден претходно но сега е само репер за тоа колку може да напредне за кратко време, ако ме разбирате). Интересно е романескното посветување на некоја приказна, истражувањата и проучувањата, човек се чувствува жив и целосно ослободен ( од вести , политика, вртелешка и боки 113-ка).Па може дури и блогерајот сосе пропратните антибугари и бугари да ги ставам во ист кош без навреда секако, каде и јас припаѓам. Има некои работи кои ги испуштив во мојов привремен егзил и за кои жалам.Како на пример промоцијата на првенчето на Букарски во ,,Точка,, се надевам нема да ја пропуштам наредната. Забавата на блогерајот , не дека сум којзнае колку по журките, сакав онака шпионски да ги зирнам некои кои ме ,,глочкаат„. Но овде е убаво и снцето силно угревјат ...па дури и жалам што наскоро морам пак во Скопјето, пак студии, професори трнци,мрнци...
За крај имам една интересна новост, а тоа е жанровскиот конкурс на електорлит .
Баш ме интересира креативноста на младите писатели и имагинацијата.Јас пробав за првпат да напишам еротски расказ и беше забавно.За трилерот, има време до крајот на февруари, и треба повеќе време и смисленост. Сакав да кажам дека момците од темплум имаат фантастични идеи со кои го размрдуваат подзаспаното младешко движење ( ако може да се нарече така) и баш ми е жал што ќе ја пропуштам проекцијата на документарниот филм за Буковски. Јаз'к.
Еротскиот расказ на другиот блог односно овде

Последен конкурс

2006-12-04T18:00:00.000Z

Заврши и последниот електорлит конкурс за оваа година
Го објавувувам коментарот ( критиката) по повод расказите кои ги испратив. Мислењето кое е групно го објавувам поединечно за мене
Расказите кои беа испратени беа вака оценети :

,,расказите на Душко Гошевски, кои исто така би сакале да ги пофалиме и малку покудиме:) имаат сериозни мани. Ако во пишувањето, драги елитраши, ве води исклучиво скриената порака, ризикувате реалната приказна, онаа во прв план, да ви испадне неубедлива, проѕирна... Во литературата тоа е една од најопасните работи: „телефонирањето“, соголеното сугерирање и делење морални или естетски поуки, ставови итн. Работите треба да произлегуваат од веродостојноста на ликовите и дејствието, а не од однапред зададените „големи пораки“. Многу од расказите на гореспомнативе автори страдаат од самозаљубена, самосожалива и малкуцка скрибоманска здодевност, иако е несомнено дека авторите имаат сосема пристојно ниво на рефлексија и писменост.,,

готско-епска фантастика

2006-11-07T17:13:00.000Z

Нешто на што се восхитувам , било земено како период , творештво , или уметност е готиката и епиката.Секако дека овие два правци се сосема издифиренцирани но не се поларизирани.Тие одлично се надополнуваат и испреплетуваат градејќи една целина која е неверојатно фасцинантна и прекрасна за мене.Ме опива, ме освојува , ме екстазира.
На мојот стар блог веќе пишував за готската музика како еден сегмент од целокупната , па би ја нарекол идеологија .Идеологија која е одраз на aтмосферата на скандинавските замоци, проткаени со готички елемент и помалку даркерска атмосфера.

Нејсе. Сега би сакал да се задржам на готско - епската литература.Тоа е спој , односно назив кој што можеби нема да го најдете на друго место, можеби не постои за другите но штом јас го перцепирам така постои за мене.
Можам да дрвам со материјали извадени од енциклопедии и библиотеки, но:
Зарем блогов не е место каде се изкажуваат лични согледувања и размисли.
Зарем блогов не е место каде што авторот ги искажува СВОИТЕ длабоки тајни и чувства?
Зарем не ве навредувам вас и вашите умствени способност ако ви пренесам податоци кои се лесно достапни?
Како и да е ме радува што се повеќе има изданиа од овој како и од чистиот епско-фантастичен жанр од кои повеќето за жал се на српски јазик.Односно освен ЕРАГОН и ГОСПОДАР НА ПРСТЕНИТЕ сите други се на ,, јазик различен од нашиот,,
Зборував за оваа тематика. Како роман кој што би ви го препорачал е серијалот
,, tocak vremena,, од Роберт Џордан - кој е во вкупно дванаесет дела од кои 11 се издадени во САД ( во Србија пет) а дванаесеттиот и последен авторот се уште го пишува

Следуваат страните поврзани со серијалот
http://www.laguna.co.yu/naslovi.php?id=63

http://www.dragonmount.com/

Има разни форуми и страни посветени на овој серијал, да не речам стана своевидна институција со обожаватели ширум светот.
Исто така човекот е и блогер
http://www.dragonmount.com/RobertJordan
Изданијата можете да ги најдете во речиси сите книжарници ширум скопје.Не можам да се посветам на содржината и да направам некоја анализа, барем не на начина како што beauty го прави тоа, бидејќи книгава е предлабока. Ќе ме голтне сопствената рецензија.Ова е епска фантастика проткаена со готски стил па ако ја читате ќе ме сватите што драгаскам цело време.
А и на крај сакам да пренесам дека и јас се обидувам да творам по нешто во овој стил но тешко оди.Тоа е слиучно како алкохоличар да работи во фабрика за алкохолни пијалоци и притоа да биде успешен.

Пробав со две песни

http://dukisbook.blog.com.mk/node/53472

http://dukisbook.blog.com.mk/node/38811

Па ќе ме интересира вашето мислење.

П.С. Инаку за готската музика имаше ,дебата на доста префинет и висок начин,, :

http://dinastija.blog.com.mk/node/38953

Будалата ќе успее?

2006-10-31T11:07:00.000Z

Иницијативата за која пишував во претходниот пост ,, нова будала...,, полека добива облик ( материјален) односно , првите зраци на новата идеја со воздигаат од темната кора на општествениот гнилеж. Идејата има шанси да ја види светлината на денот.Патем неколку ,,засегнати,, и пред се имотни луѓе ( со идеи и волја) кој јас ги контактирав , ми даваат надеж дека ова може да успее. Јас се надевам дека во јануари следната година би требало да го држиме в рака новото списание за книжевност во МАКЕДОНИЈА.

Нова будала на нашето небо

2006-10-21T18:45:00.000+01:00

Би сакал да се осврнам на една потреба која , според мене е насушна и која би требало да се земе во предвид.Кога велам да се земе во предвид , мислам на нас , маргинализираната маса.
Речиси во сите земји , во зародишот на некоja новонастаната состојба на општествено живеење има свои пропратни еLементи , односно поддржувачи. Речиси за се.Спорт , политика , лов и риболов, КНИЖЕВНОСТ , ИТН.
Едно од тие поддржувачи се наменските, специјализирани списанија. Кај нас ова е доста тенка и слабо оддржлива гранка ,но јас пишувам за сфера каде таа речиси и не постои.
САКАМ ДА ПРЕДУПРЕДАМ НА НЕМАЊЕТО СООДВЕТНО КНИЖЕВНО СПИСАНИЕ ВО МАКЕДОНИЈА.
Списаие кое треба да превземе дел од товарот наречен ширење на литературата , а со тоа и културата, култивирање на овој доста неписмен народ. ( Ова неписмен не е со навредлива конотација, туку буквално).
Во последните неколку дена вршев мало истражување за овој вид списанија кај нас.После долга и непродуктивна прошетка, сосем случајно ги најдов во една наша книжарница.Има три списанија од ваков вид. Во нив е претежно творештвото на наши попознати писатели и поети , некои анализи, извадоци од странски автори.Инаку цената е доста ,,солена,, односно по цена од 50 , 80 , и 100 денари. Како и да е ако некој сака да види за што станува збор ви препорачувам дека можете да ги најдете во книжарницата на табернакул.
Во однос на нивната содржина , би сакал да кажам дека се потребни на нашата интелектуална јавност но јас сум прилично незадоволен .
- Пред се тие го презентираат творештвото на веќе етаблирани автори кои имаат многу помал проблем во поглед на издавањето на нивните дела.
- Нема некој чекор со современите трендови на оваа гранка , односно едно те исто со тие војните , маките , проблемите дрн дрн.
На нас ни е потребно КОМЕРЦИЈАЛНО И РАСПРОСТРАНЕТО СПИСАНИЕ СО ДИСТРИБУЦИЈА НИЗ ДВЕТЕ ДРЖАВИ ( И СКОПЈЕ И МАКЕДОНИЈА)

- Нам ни е потребно списание кое нема да биде 98,7% творештво туку ќе го посочува читателот на одредени наслови , препораки.
- Нам ни е потребно списание кое ќе ги прати современите глобализаторски текови
- Списанието треба да содржи барем три - четири странски ревии од светски познатите списанија за книжевност
- Списанието треба да соработува со книжарниците и заедно да ги промовираат новите наслови како и нивните автори.
- Списанието треба да помогне во презентација на книгата надвор од Скопје каде што 60 % мислат дека книгите се досадни како лектирите и дека содржат описи на една соба од 5-6 страни.
- Треба да се обиде да го навлече читателот кон вредносната литература и да го оттргне од стереотипните бестселери. Или пак да ги посочи подобрите.
- Списанието треба да има своја интернет страна и форум кој ќе го опипа пулсот на читателите.
- Пропратнотреба да има посветено две три страни на музиката ( мислам на џез , рок ,класика, етно , електроска ) и филмот ( не само на холивудските блогбастери , туку на оние нови прекрасни европски филмови) со топ листи , рецензии и слично.
- Треба јасна жанровска класификација и претставување на делата
- Нам ни треба ПАТОКАЗ кон литературата , бидејќи не можам да ја најдам смислата во купување на списание за да го читам творештвото на некој , па ќе му ја купам книгата.Спиаснието треба да е застапено со 30 - 40 % творештво и тоа на млади писатели кои немаат можности за издавање.
- Обавезно вклучување на БЛОГ - ЗАЕДНИЦАТА како целина кон која ќе се стреми .
- Исто така таргетирање кон младите , наоѓање начин за да се придобијат. преку наградна игра ако треба.
- Списамието да не е поскапо од 30 денари колку што реално изнесуваат трошоците. Овде се и рекламите и книжарите кои треба да помагаат.
- Дистрибуција ширум земјата
Има уште многу елементи кои можат да се вметнат , и кои треба да се уредуваат. Може да послужи како компарација и странските списанија.
Сега уште да се најдат будали кои ќе сакаат тоа да го сторат со минимален ќар. Притоа да трчаат и да просат по фирми , фондации , влади .

ЈАС СУМ ПРВАТА БУДАЛА Има уште некоја?

,,конкурсот,,

2006-09-28T23:32:00.000+01:00

На електролит конкурсот , под капата на ,,Темплум,, испратив прозни раскази по прв пат , кои беа ( покрај блогот ) единствено место на кое го презентирав моето творештво. Ова е одличен начин за презентација и публикација на делата на младите автори во Македонија кои ја имаат мојата безрезервна поддршка, како авторите така и организаторите

Конкурсот заврши и ова е образложението на жирито
( ниеден расказ не е награден)

,,најкреативен и, да речеме, најсубверзивен му е расказот “Непрдливи а смрдливи”, но и другите негови раскази поседуваат полезни дози на бунтовништво и критичност, така што од Гошевски допрва очекуваме уште подобри раскази; слабост: непотребно комплицира, испраќа премногу пораки и премногу цинизам),,

Расказите што беа пратени на конкурсот на следните линкови линк

http://www.templum.com.mk/konkurs/aktuelno/08-2006/avtori-gosevski.htm#neprdlivi

http://www.templum.com.mk/konkurs/aktuelno/08-2006/avtori-gosevski.htm#zivotot

http://www.templum.com.mk/konkurs/aktuelno/08-2006/avtori-gosevski.htm#bezimeniot

http://www.templum.com.mk/konkurs/aktuelno/08-2006/avtori-gosevski.htm#novite

http://www.templum.com.mk/konkurs/aktuelno/08-2006/avtori-gosevski.htm#pekolot

На повидок поет - или шутрак во залет

2006-09-21T16:39:00.000+01:00

На другиот мој блог на кој го пренесувам моето скромно творештво штотуку постирав поезија пишувана во еден здив односно за неполни два часа.Поезијата е со општествена - реалистично геополитичка тематика и не се однесува на никој особено ниту овде ниту на глобално ниво.Тоа е, (јас го нарекувам) начин на искажување бунт што го пропагира ова модерно време односно искажување на своите чувства преку пишаниот збор или интелектуално цитирано демек ,,моќта е во перото,, .

Како и да е тоа се 13 песни кои градат една целина и затоа не се постирани одделно туку преку еден пост кој има почеток и крај.
И да завршам со една поговорка
- подобро да се спречи одколку да се лечи -

со што сакам да ве замолам да оставите комантари во случај ова да е неуспешен обид на еден од 50 000 македонски поети па да се сосече во корен додека не (сум ) залетал.

ПОЕЗИЈАТА ОВДЕ:

http://dulesbook.blogspot.com/2006/09/blog-post_21.html

СВЕТИ БАНКНОТИ

2006-09-20T17:32:00.000+01:00

Една сосема немарна и наивна постапка на едно девојче е повод за моето негодување околу една доста непромислена постапка на нашиве државотворци.Ова воопшто не е некаков политички настроен пост.Ова е искажување на граѓанска згрозеност, од дела и постапки кои сите неприметно ги правиме и кои тивко провејуваат од нашите замаглени погледи и опстануваат неколку години.Добро стално се заборавам , но ете што е суштината.

Едно мило девојче кое не го знам и кое не верувам дека згрешило некому , една нетрескавична сабота се наведна и од чорапот извлече една банкнота.Сосем нормална појава кога сукњата нема џеб или ако не носи ташниче. И во друга држава не би предизвикала некој грев (своевиден) . Но не и во држава во која светците се на банкнотите.Така размислувајќи еве издвојувам неколку примери во кои некој длабок верник кој ги почитува светоста и духовноста на својата религија истовремено :

- Ги плакне рацете и притоа ги тера и своите деца по секој допир со парите ( светците ) да се измијат затоа што банкнотите се нечисти.

- Ги гужва или ги гази ако не ги види претходно

- Верник ова не би го сторил, но при кражба на пари се ставаат на секакви места низ телото и облеката

Има доста други примери кои ги гледаме но не ги разработуваме во нашите сиви келии и не го сваќаме гревот што го правиме спрема св. Архангел или Пресвета Богородица.

Не повикувам на чување на банкнотите сулудо е и просто , но секако како граѓанин сакам да го искажам моето незадоволство од ваквото решение на Народната банка и Парламентот.

Игра (или не)

2006-09-18T12:32:00.000+01:00

Порано , а и сега во крстоборките излегува(ше) една игра НАЈДИ ГИ ГРЕШКИТЕ.

Ако имате вишок време и ако сакате да ја разбиете монотонијата пронајдете што е можно повеќе грешки во следниот линк

http://en.wikipedia.org/wiki/Category:Bulgarian_writers

Потоа ако успешно ја завршивте загатката следува нова игра .Тоа е пронајдете ги недостатоците:

http://en.wikipedia.org/wiki/Category:Macedonian_writers

Ви благодарам за учеството...

интернет КАФЕ( само кафето вреди)

2006-09-16T18:44:00.000+01:00

Чисто глуп пост ама ми се тресат жилите па знаете ... ќе мора ...

да се покакам тука...

Паузите се добри за обнова на духот на авторот ( или уметникот сеедно), за полнење на батериите ( гадна фраза според мене) или пак за барање инпирација.
Не бе, ова горенаведеното е обид да се скрие авторската криза, или со други зборови, седење пред компјутер , машина и гледање во мониторот додека не ти се насолзат очите.
Се случува да, но овде имате и друг вид на пауза.Тоа е случај можеби фантастичен во некои развиени земји, но овде е реалност а тоа е ДА НЕМА ИНТЕРНЕТ ЕБАГО.Да не може човек да дојде асален компјутер и да пренесе веќе напишаното кое стои на флопи. И штое уште потрагично , тоа се случува поради моето преместување во СКОПЈЕ ( почна новата студентска надежна година).
Да не оптегам , да не раврзувам каде нема интернет ( да го ебам немат кабел асален) каде нема флопи на компјутерите, каде паднала мрежата, каде не отвара некои страни.Велат во Трнодол имало добро кафе.
Многумина имаат пишувано до каде сме на нивата на технологијата, комуникациите , на интернетот. Е дотука.Половина главен град обрнав да најдам асална конекција. Е до таму се.Не ме убедувајте со некои нови закони, проекти ,програми, и слични бљувотињи оти за никаде сме. Сега откако најдов добро место за одржување на ова можеби утопитичко надежен начин на творење ќе се потрудам ангажманот да не биде залуден

превезот на смрдливата глобализација

2006-09-07T23:56:00.000+01:00

Дали повеќе ве интересира поморот на гренландските фоки или животот на еден провинцијален стечаец кој го школува детето.
Дали повеќе ве интересира озонската дупка над Нов зеланд или судните маки на нашите стиденти.
Дали повеќе ве интересира падот на њујоршката берза од пукањето во луѓе во строгиот ( културен и историски ) центар на градот.
Дали повеќе ве интересира сушењето на ретките кактуси во Тексас од откривањето на тајните за нашите татковци и дедовци , чичковци и вујковци, односно дали биле шпиони или борци за каузата ( да ви ја ебам каузата ).
Сето ова ( првите наведени примери) можете да ги најдете во нашите дневни весници , во нашите медиуми , во нашите магазини.
Ова второто , требаше да н(в)и биде пренесено преку алтернативните патишта за реалниот животен проток на нашите ситни млади души.Проток , затоа што тој микроскопски процеп дозволува од нас да излезе само малограѓанштината , а останатото ( ако го има) некако има суспензивна надмоќност и става вето ( ебате политиката шо ми стори ) на нашите напредни мисли.
Цицка , Гз ,пичка - и еве ви непресушна тема. Па де бре луѓе на мислење сум дека има хиперактивно покачување на дркаџиите и дека девојките ги ,,стиснале,, за некои Грци и други слични европејци.На крај краеви стави го во топла вода.
Македонија ( посебно сега ) е неисцрпна инспирација за творење , журнализам , драматични секојдневни па би рекол и срцепарачки ситуации.Наместо да се помогне, актуелизира оваа страшно невреме што не зафати , ние сме сериозно загрижени за Бритни и нејзиниот целулит.
Не барам совест.Барам човечност.
Не барам пари. Но ги бараат другите.
Не барам шанса за мене.Наполно сум свесен дека самиот треба да си ја создадам.Барам за другите, несвесните...
Не мислам да го спасувам општеството. ,,Не се обидувај,, стои на надробната плоча на еден книжевен великан.Великан кој пишувал за подолниот сталеж. За гнилоста на ова ,, демократско ,, уредување .Да се помочам на уредувањето пропратено ,, рамковно ,, со услов-слободна пазарна економија.
Не мислам да го спасувам општеството.Сакам да ви порачам дека не можете ни вие. Само ЕДЕН може.Но обидете се да си ја исчистите гнасната ви ( ми ) душа.За спокој За мир .
Не мислам да го спасувам општеството. Можеби книжевноста ( македонска).
Не мислам да го спасувам оштеството. Не заслужува.
Но мислам да го менуваме постојново. Кон создавање здрава , природна , и пред се хармонична средина за нашиот народ.

Десеттина звезди во мракот

2006-09-05T07:54:00.000+01:00

Во смисла на една дебата што моментално се одржува на блог.цом.мк во која едните дебатираат а другите вреѓаат би сакал да поставам неколку реторички прашања.

Дали Дарвин е најпознатиот истражувач на видовите ( и најдобриот )

Дали Тесла е најпознатиот иноватор од областа на електричната енергија ( и најдобриот )

Дали Џордан е најпознатиот кошаркар ( и најдобриот )

Дали Микеланџело е најпознатиот ренесансен уметник ( и најдобриот )

Дали Вуна , Букаро , Анти се најпознатите македонски блогери ( и најдобрите )

Доколку некој е основоположник и креатор на некоја поинаков и доста застапен правец, а притоа тој правец доживее процут и медиумска експонација, не може да му се негира заслугата. Ако не е инвентивен , интересен , квалитетен нема ни да го познаваме. Нема да го читаме , нема да го тангираме.

Што сакам да кажам.Македонската драматургија има одлични драмски претстави , во иднина можеби и подобри но, ЧЕРНОДРИМСКИ Е ЧЕРНОДРИМСКИ. И ( зборувам за последната дебата) ако алтернативата на овие и уште десеттина блогери се оние кои што додаваат ,, Па што ако си добар , не мора да ми солиш памет ,, ќе одлучам моето внимание засега и да ми остане на овие неколкумина. Повеќе не мислам да пишувам за блогерајов , самоподвлекувам една ЦРТА, односно заокружувам една целина , пред да продолжам понатаму.

П.С Ако некој има замерка од типот ,, тие не го измислија блогот ,, ни Џордан не ја измисли кошарката.

македонски ( странски ) жаргон

2006-09-03T04:13:00.000+01:00

Во едно интервју еден наш интелектуалец изјавува:

,, Македонија е колевка на културата.Нашите Кирил и Методи ( сесловенските просветители ) ја описмениле цела источна Европа ( и пошироко ) и извршиле огромно влијание врз развитокот на културата во светската цивилизација.Знаете Охрид е европскиот Ерусалим.

Со ова и јас се согласувам но што се случува во речиси сиот преостанат простор каде полуписмени и неписмени имаат право на медиумско внимание. Ова се нивните ( на Кирил и Методи) потомци:

Сакис usualy беше прекрасен

Тој беше cool цела ноќ.

Ова е многу stupid-но од ваша страна

Денес одам онака free на факс!?

Овој exampler- р беше земен за анкетата што ја спроведовме.

Го виде оној freack-от денес?

Не можам денес ќе ми дојде cousin- от на гости.

Што? O my GOD, не ми се верува.

Ваков trash не ми треба.

Е мој другари ( пардон господа) не сте курнази ако сте научиле понекој странски ( англиски ) збор и го пикате и кај што треба и кај што не треба.Курнази сте ако влијаете да се зачува нашиот јазик, нашиот литерарен бит, нашата јазична компонента и ја вметнувате на што попрефинет начин во текстовите , дијалозите, коментарите. Секако не како наши постари писатели кои пак пребегнуваат кон некои мутирани изрази.Вака се разбира некако нивното пак никако.Да се усовши некоја наративна техника со постојниот јазик , тоа е за пофалба. Де ако сте толку учени вметнете ЛАТИНСКИ па да ве видам. Најжални се пак тие кои ,,утепуваат,, со вакви изрази а притоа се чукаат во градите кога ќе се спонме МАКЕДОНИЈА демек патриоти де.Повторно ќе ме ,,растрите,, поради ваков пост , не за друго туку затоа што ве има во се поголем број.Затоа не го сваќајте ова како кавгаџиски фрлена ракавица, туку како добронамерен совет.

,,ZOON POLITIKON,, во наша тава

2006-09-03T04:12:00.000+01:00

Има неколку значајни зависности кои имаат способност и енергија целосно да ти го засенат видикот, односно да ја успорат умствената турбина и да ја насочат кон друг, бесцелен правец.Има и зависности кои дејствуваат позитивно ( на пример музиката) но јас секако мислам на други.Не пишувам за наркоманија, алкохол или слично , тоа е клише и е веќе напишано на неколку милиони страници. Пишувам за реални теми во нашето општество, за оние бубачки кои го јадат човековиот интелект. Тоа се
Спортската прогноза , популарно наречени кладилници ( за нив друг пат)
Политиката ( за неа сега и ОВДЕ)
Страшна е политичката зависност на целокупната македонска јавност, а исклучок не е ни блогерајов.Воопшто несватлива е гладта и жедта на нашиот народ за коментирање или толкување на дневно политичките активности( глупости) .
Од 1991 година хиперактивно се зголемија загорените манџи, неисцепаните дрва, неиспрсканите лозја ( или само ради реда) неписменоста на децата ( не ги кривете учителките скотови мрзеливи) ,. Малограѓанштина и простаклук од највисок степен. Нашиот народ бил паметен и бистар.Не е точно , ГЛУПИ СМЕ КАКО АВИОНСКА САЈЛА. Како само се насладуваат кога ќе навредат некој политичар од спротивниот табор, како само искачени на тракторите го веат барјакот на партијата, чиниш син му се родил.
О боже што се случува.Дали едно новороденче заслужува татко му повеќе да се радува на победата на неговата партија , одколку на неговото раѓање?
Дали ученикот кој учи во иста соба каде што се јаде, пие и спие, заслужил да биде истеран на улица со другарчињата, за неговите родители со дојденците да дискутираат за составот на новата влада?
Дали може родителите да го малтретираат детето со тоа што го одбележуваат со партиските маички , симболи , понегогаш и влечење кон митинзите до доцните вечерни часови?Го оставате детето бес сон бре ТОПУЦИ
А што велите на шамарењето или ќотекот ако детето ја навреди партијата?
А што велите на рециталот на едно 12 годишно дете кое го изговара составот на владата ( со мали поправки од мајката) пред роднините? И следи аплауз? На времето рецитиравме песнички.
Мрачната политичка КУРВА го обви нашето секојдневие, не растргна, брат со брат се испокараа, комшии со комшии се испотепаа. Размислував за народот во СОДОМА и ГОМОРА.Можеби се оддале на ваков политички начин на живот па ги стигнала казната.
Првично сакав да пишувам за политиката на блоговите . Политиката која е застапена на блоговите ме плаши поради тоа што не е некоја сериозна опсервација, некое сумирано гледиште , воопшто нема некоја идеолошка матрица. Тоа е само суво плукање по одредени политичари, напади без поткрепени факти, односно пренесување на пишувањата во одредени медиуми или ( уште полошо) пренесување на комшиски муабети.Зар до толку се потценуваат креаторите на политичките блогови па нам познатата малограѓанштина ја пренесуваат и низ своите постови.Со тоа ја покажуваат својата неукост, својата политичка незрелост и неможнста да се создаде вистинска ( ако сакате и авангардна) критичка маса, критичко мислење и со тоа да се влијае врз политичките текови во нашето општество.Вака само се одраз на несериозноста на македонската интелектуална ( блогерска мисла) .
Но при вакви деморализаторски секојдневни примери, дали е потребно да пишувам повеќе?

САЛМАН РУЖДУ

2006-09-03T04:11:00.001+01:00

Неодамна во издание на Табернакул излезе романот ,, ХАРУН И МОРЕ ПРИКАЗНИ,, од Салман Ружду. Ова е втора ( ако не се лажам ) преведена книга од овој писател, по ,,Гримус,, во издание на Утрински Весник ( едицијата де). Овој наслов кој што сеуште го немам прочитано ( кој ќе оди до Скопје, а во пустелијава нема ништо) не е главниот фактор за пишување на овој пост.А и не сум како нашиве критичари, новинари и рецензенти да пишувам за нешто што се уште не сум го прочитал, преведувајќи ги светските репортажи( не сите немојте пак да ме изругате во коментарите).
Еве како за почеток на кратко изведив нешто од неговата биографија:
Роден е 1947 година во Бомбај. Се школувал најпрво во Индија потоа на ,,Кембриџ ;; во Британија бла бла бла... Можам да ги наведам и неговите награди ама за мене тоа е апсолутно небитно. Неговите романи се
Најнов е ,,Шалмар кловнот,, од 2005 година. Владимир Цветковски одлично го претстави во еден наш дневен весник , под интересен наслов ,, Антологија на непреведен роман,,( ха , ха одлично)
,, Гримус ,, 1971
,,Деца на ноќта ,, 1981
,, Срамота ,, 1983
,,Харун и море приказни ,, 1990
и секако нај контроверсната, најдрската , книгата што предизвика експлозија во муслиманскиот свет, книгата поради која му е уценета главата од скоро сите исламистички организации во светот. ,,Сатански Сихови,,.Далеку од тоа јас да надзирам во моралниот поглед на ова негово дело , во неговата суштина или пак во оправданоста да се распламтуваат нечии страсти. Друго ми е несвојствено.Тој е најпознат токму по ова контроверзно издание а има едно дело , односно збирка на раскази , ( многупати ми е препорачано) кое се уште не можам да го најдам а се вика ,, ИСТОК,ЗАПАД,, Според неколку реномирани книжевници ( иако тоа не ми е некое мерило) со овој роман ги спојува и разделува Истокот и Западот и сето тоа на еден начин пропратен со многу хумор.Мислам дека вреди да му се обрне внимание.Јас ќе ја најдам некако но ова нека биде еден апел до издавашите и Министерството за култура , да не мора наредните генерации по цел ден да ги бараат нелегалните web страни за симнување на бесплатни книги.

,, О ТЕХНОТО,,

2006-09-03T04:11:00.000+01:00

Би сакал да започнам со една доста застапена ( а по мене кретенска мисла) :
,, За вкусовите не се расправа ,,
Се расправа и тоа како се расправа
И уште една :
,, Секој има право на свое мислење,,
Оваа втората својата експанзија ја доби со нашите морбидни и кретенски реални шоуа и со нивните дебилни водителки.Туку друго сакав да кажам. Секој има право на мислење ама ако тоа мислата не му вреди 100 грама капини зошто па јас да му ја почитувам. И еве дојдовме во воведот. Ако некој сака да ја класифицира ова моја во сторија во Музика ве молам немоте.Музиката и ТЕХНОТО немаат ништо заедничко.
Многумина се запрашале што би било доколку би абортирала мајката на Хитлер. Јас се прашувам што би било ако би абортирале мајките на . Кевин Саундерсон, Хуан Еткинс и Дерик Меј. Дали кога ќе влезев во некој бар ќе се опуштев со некој евергрин, блуз или кантри музика. Дали кога ќе појдев во диско ќе го слушав стариот добар рокенрол, дали на крајбрежните шанкови ќе ги гледав половините на девојките како се кршат на самбата или на другите латински танци. Дали кога ќе си дојдев дома немаше главата да ми биде како ТАПАН. Оние јалови ритмичко сиромашни звуци што бијат во главата како камбана се најголемото СРАЊЕ на денешнава музичка сцена.
Не слушам РАП ама поштувам.Не слушам R&B ама поштувам.Ова тингарање не мошам да го смислам. Три четири типки по компјутерската програма и еве песна ( простете што ја нареков така) . И ај ве молам објаснете во што е разликата меѓу КАРЛ КОКС и DJ БАБУРА.Исто , потполно исто.Едниот зема илјадници евра другиот стотици за едно гостување Исти перформанс , исти амбиент , исти последици ( зуење како некој да ти чукал по клунците на оџакот цела вечер) .
И де ве молам објаснете , оти јас не знам, како жити се ги распознавате песните ( простете пак) . И дури избираат хитови. Ејгидиииии.
И што е најчудно има и посебни техно правци.Есид техно , амбиент техно , хардкор техно , прогресив техно , се на се канализација техно.
Без никаква мелодичност , без никакво индивидуално творештво, овој ЗВУЧЕН правец си има свои приврзаници кои ,,многу го сакаат , слушаат , скокаат ,, а не им пречи за 20 минути да се свртат на турбофолк скокајќи по масите и лепејќи пари на певаљките.СКОПЈАНИ не ме убедувајте дека ова е провинциски кичерај ви се случува и на вас во сред БИСЕР.О колку бедно звучи...
И за крај една техно песна ( слоб.прев)
ТИ ТИ ТИ ТАК ТАКА Т АТАТА ЗИГИ ГИЗИЗИЗСААС ЕТЕ ТЕ ЕТ ЕТ ЕТУ ТУ ТУТ Т ТУ ТУТ ТУТУТ Т Т
Рефрен :
ТУП ТУП ТУ ТУ ( убрзано) ТУПСА ТУПСА ТУПСА ТАП....

КУЛТУРНА ( ДУХОВНА ) РЕВОЛУЦИЈА

2006-09-03T04:09:00.000+01:00

ВНИМАНИЕ : УШТЕ ЕДЕН ДОСАДЕН ТЕКСТ
За почеток а во контекст на постот би сакал да цитирам една мисла ( повеќе предговор) од брилјантниот роман на Умберто Еко ,,Името на розата,,
„Ако некој сака да влезе во манастир и да престојува во него седум дена, мора да се прилагоди кон неговиот животен ритам. Така и читателот, мора да ги издржи првите стотина страници. Во спротивно, нема да смогне сили да ја прочита целата книга. Според тоа, ова е покајувачката и иницијациската функција на првите стотина страници, па кому не му се допаѓаат, негов проблем, ќе си остане во подножјето на ридот. Влегувањето во еден роман е исто како одењето на излет во планина: неопходно е човек да научи да дише, да го држи чекорот, инаку брзо ќе застане.“Умберто Еко
Ако малку ја анализираме оваа негова би ја нарекол теорија секако би констатирале дека доста длабоко продира и во најправилно наречено уметноста на живеењето. Без да се осврнам на практичниот совет што го дава ( човек цел живот работи за да живее во пензионерска благосостојба), мислам дека ако ние принесеме жртва во животот која би проголтала поголем дел од нашата младост би можеле да го усовршиме нашиот понатамошен живот. Знам дека забегувам од контекстот на ЕКО но и во мојава теорија контурите се тие. На една поодмината ( подоцнежна ) фаза од нашиот живот се губи смислата на животниот елексир.И пак практично - возрасниот човек го јаде секојдневното животно сивило.Животното сивило не е присутно само кај нас туку во целиот универзум , човековата ненаситност е вметната во неговиот генетички код. Попластично да објаснам со една наша народна мудрост ,, човек учи додека е жив ,, но ,,железото се кове додека е жешко,, .
Потребна е револуционерна реформа на образованието уште во почетните стадиуми на образованието. Вметнување на древните вештини на живеењето кои монасите од источната цивилизација љубоморно го чуваат. ШАО ЛИН - ски циклус кој како ..baterfly efect,, ќе се прошири кон целиот свет. Иако модерниот свет сака да продре кон овие источноцивилизациски вредности единственото што успеа да го ископа е кама сутра уметноста на љубовта и фенг - шуи, уметноста за хармонија на домот. А нивната мудрост е толку длабока...
Ова е претежно демагошка теорија но не мора да се осврнеме само на источната мудрост. Ренесансното учење од 15-тиот век е уште една добра причина за капацитетот што го има и ова европска цивилизација , и надеж за наредните генерации кои како нас ќе претрпат транзиција , преродба, реформа но духовна... Тоа е единствениот начин за остварување на идеалот на еден наш голем револуционер но уште поголем идеолог ГОЦЕ ДЕЛЧЕВ
,, ЈАС СВЕТОТ ГО ГЛЕДАМ КАКО ПОЛЕ ЗА КУЛТУРЕН НАТПРЕВАР МЕЃУ НАРОДИТЕ,,

ЧЕКАЈЌИ ЈА ЗОРАТА

2006-09-03T04:08:00.000+01:00

Внимание : претежно досадно

Како исфрустриран ирвас сум поразен во неодамнешна битка , заглавен во ова време.Време во кое се ти е подарено на тацна. Баш ме заинтригира еден коментар на Кастро во кој запрашан за забраната на компјутерите во Куба одговара дека не може да ја најде смислата во свет во кој сета хуманоидна историја е складирана во неколку ЦД-а.Далеку од тоа дека неговата реакција се одразува на моралниот поглед на денешниот свет, напротив доста јасно е од каде потекнува и што штити неговата забрана.
Друго се думам. Не можам да се сетам чија е оваа мисла ( мислам дека е многу многу стара ) дека човековото око е ненаситно.Со неколку типки на персоналецов ми се отвара целиот поглед кон светот , толку голем што моите зеници ( рам-от) се претесни за да го обработат а мојот хард диск ( мозокот) не може да го процесуира. Можеби и затоа мојот монитор ( очите) светка црвено - ,,error,, .Не можам да го видам хоризонтот. Предалеку е. Не мислам на оној хоризонт кога на google пишиш rainbow и излегуваат сликите. Мислам на вистинскиот, оној надвор кој бил инспирација на цела плејада писатели. Можеби и затоа еден романсиер како мене четири месеци не може да напише повеќе од 20-тина страни. Затоа пак на реалистите чад им излегува од тастатурата пишувајќи за проституцијата, блудот, инцестот, деликвенцијата.Уште долго ке трагам по инспирацијата но нема да дозволам декаденцијата да влезе во моите страници па ако треба уште 20 години да ги пишувам романот. Кога ке ја види светлината на денот ( ако дотогаш сонцето не изгори) ке биде плод на љубовта , светлината , пејзажите и убавината,.
Макар тогаш бил и научна фантастика
( ПОСТОВ Е ПИШУВАН РЕЛАТИВНО ПОРАНО , ПА ИМА ИЗМЕНИ ВО СИВИТЕ КЕЛИИ НА АВТОРОТ)

ГОТСКА МУЗИКА ( МЕТАЛ)

2006-09-03T04:07:00.000+01:00

Во скандинавските земји, подигнато на ниво на култ е готиката.Мислам на готска музика ( метал) , готска поезија, готска архитектура,готска уметност...Секако огромна тема, за да ја склепам во неколку редови.Затоа ќе се задржам на Готската музика. Иако терминот ,,Готика ,, како и правецот во уметноста за прв пат се појавува во тринаесеттиот век во Франција, готскиот метал како правец во музиката се појавува во Скандинавија , поточно во Финска.
Готската приказна започнува уште вои раните 80-ти но вистинското издвојување и осамостојување како правец е 10-тина години подоцна. Едни од зачетниците се шведскиот Therion и норвешката Tristania. Фузијата односно спојот помеѓу симфонијата и метал музиката бурно е одбележана во тамошната музичка јавност. Мислежата се контардикторни и поларизирани.Иако подоцна доаѓа до одвојување и на овие два подстила, ( Готски метал и готски doom метал) ова е почетокот на една нова музичка ера која има се повеќе и повеќе приврзаници( вклучувајќи ме и мене) . Секако има и моќно покровителство во мрачната даркерска атмосфера, идеологијата на готиката, сликовитата ледена слика на скандинавските дворци, и сума сумарум имаме одлична и заокружена целина.
Секако голема тема за објаснување но еве на еден пократок начин се обидов да ја пренесам сликата од оваа фасцинантна музика.

ЗА МАКЕДОНЦКИТЕ ПИСАТЕЛИ

2006-09-03T04:06:00.000+01:00

Иако знам дека за овој пост ќе бидам ( односно ќе ) невредам неколку длабоки почитувачи на македонската книжевност дојде ред да си го кажам своето. Лично мое , не мора да биде така ама јас така го перцепирам . Уште нешто не пишувам за сегашноста или иднината туку во не толку далечното минато. Наполно сум свесен дека поради опкружувањето, војните, окупаторите, геополитиката што се водела на Балканот во последните неколку века, и слични влијателни фактори македонската книжевност ( како и другите општествени гранки не се развивала во насоката , односно во исто темпо со европската( Руската, Француската ..) Значи една од најдосадните , најтешко разбирливите ( не се вадете на оригиналност) и најнеинтересните литературни дела се наоѓаат на ова парче земја. Просто е чудно како на волку мала територија може да има толку кретенски романи , а за поезијата да не драгаскам поарно, оти се обидувам да си останам на еден ЦРВЕН степен на лепо понашање.
Се мислам да дадам предлог ко креаторите на казнениот закон при идната промена , да внесат казнена одредба
... тој што ќе изврши казнено дело ххх се осудува на читање три македонски книги ( докрај ) и на ххх години затвор. ...
Се кладам дека ако при правото на жалба може да се определи само за една казна ќе бара намалување на фондот на книги.
Секако селекцијата треба да биде ,,стручно ,, извршена бидејќи има и доста квалитетни книги и писатели и не би сакал да ги генерализирам и да ги ставам во една целина. Исто така едно време бев се соживеал со фактот дека едноставно нема талентирани писатели овде.Ништо страшно BIG DIAL ШТО ВЕЛАТ СЕГА КУРНАЗИТЕ ШТО НАУЧИЛЕ ДВА ТРИ ЗБОРА СТАНСКИ ЈАЗИК,( ги вметниваат и кај что треба и кај что не ги собира) а притоа се палат на вакви текстови патриотски штитејќи си ја македонштината.Но друго сакав да кажам.Во последно време , односно сега кога со појавата на блоговите ни се достапни творештвата на помладите македонски автори , и одредени ( секако малкумина) ми се бендисаа. Иам нечто. Замислете ги тие млади и надежни писатели кога би биле поддржани и би добиле подобри услови за работа ( лап - топ, книжевни саеми и форуми, ). Ова ќе го ,,оштети,, нашиот буџет за една телефонска сметка за заменик подсекретар во агенцијата за лов и риболов.Замислете го апсурдот да се даваат пари од министерството за култура на писатели кои допрва ќе ја пишуваат книгата. Сестро ЛИБЕРИЈО ова и кај тебе го нема( инаку во либерија првиот роман е излезен 1937 кај нас една декада подоцна) .А ако писателот е академик ( демек тежи ) и му ги откупуваат и ги донираат во библиотеките. А тие се пак друга приказна.
Сега малку од поблизу.Грото односно 80% од постарите писатели пребегнуваат кон некои мутирани и неразбирливи зборови кои не постојат во македонскиот јазик:Со нив особено сакаат да се перчат на промоциите. Порано како мал кога сите гледаа цртани, а јас ги гледав седниците на собрание ( поинтересни ми беа) на вестите на МТВ даваа промоции.Мислев дека зборуваат на друг јазик а тој да ти бил нашиот , македонскиот.Нејсе... Фразите кои ги користат им се излитени и воопштени до граници на имагинација( посебно за поезијата) .Како уметничка слика.Кој како сака така си ја разбира.Романите немаат никаква колуминација , а расплетот, чекај чекај кој расплет.Расплет НЕМА! Има крај ама не и расплет.
Ова може и самите како мал експеримент.Почнете да пишувате расказ без наслов и посебно кога немате инспирација.Обидете се да составите целина , заокружен текст со ликови , тема , содржина и поента. Нели ви е полесно да отчукате:
Во бездната без дно, крај солзата на морето, во вишновите градини седи старец.
( експериментот ( мојот) успеа, ова е од ракав а и личи на македонска литература.)

Знаете за писмото на Бодлер ( чинам беше) кон сестра му. Немал време, зафатен бил и и напишал писмо од 5 страни. На крајот на писмото се извинил што напишал долго писмо затоа што НЕМАЛ ВРЕМЕ ДА НАПИШЕ ПИСМО од една страна.
Мислам дека е јасно.
За стиловите, де ве молам некој нека ми каже во кој правец се движат нашите писатели? Модерен реализам, нео романтизам , или фотелјечки академизам?
Секоја почит кон драмите ( оние трите знаете на кои мислам) кои можат добро да те раздрмаат , подлабоко да навлезат и во суштината на делото, или во битот на еден народ.
Долга тема , секојпат недовршена, но пред да го дадете својот суд за овој пост , направете споредба со развојот на литературата во другите земји.Ако дојдете до констатација дека еве и Албанија или Словачка ( секако и Бугарија) се тука некаде, не сакам тврдење дека ние сме паметен народ , америте се глупи, ние сме талентиран народ ама не можеме да се покажеме и слично...

ЗОКИ ПОКИ VS ОГ МАНДИНО

2006-09-03T04:05:00.000+01:00

Колку само мизерно звучат некои муабети во обичното население.Зборувам во еден град , на една улица, во една кафеана, на едан другарска вечер...
,,Убаво е да читаш.Иако јас немам прочитано книга од гимназија,,
,,Ако читаш книги ќе си го збогатиш речникот,,
,, Која книга ја прочита ова лето?,, Најморонското прашање што го прашуваше учителката на 1 септември.
Посебно ме иритираат оние фраери кои велеа ,, јас ја имам прочитано Зоки Поки,, - и потоа следи смеење од чурката што седи до типот демек курназот.Се гази од смеење ( затоа што дечкото и е идиот?).барем кај нас ( во едно гратче ,,недојдија,, го викам) ова е главна тема кога се зборува за литература.
,,Слушам техно, сега тоа е модерна музика,, - вели една подвижна реклама која патем ми е другар и сега носи и розово оти е тренд.
,, Да да на мода е ,, му одговарам ,, А кој поточно Кокс , Ван Дајк или Мајлс Дејвис( Џезер!!!)? ,, патем прашувам.
,, Сите тие ,,
Исто е и со филмовите.
,, Го гледаше Кодот? Глуп филм. ,,
,, Филмот е одличен , Хенкс одлично го глуми збунетиот Ленгдон, А Одри Тату е одамна звезда на Француската кинематографија.,, Одговарам згрозен од мојов коментар затоа што не знам шо е поглупо филмот или книгата.Ама мораше да им предочам дека мора да имаат свој суд не да ги слушаат рецензиите и коментарите.
,,Да да уствари и добар е ама така ... Не не Хенкс е цар. ,, Ништо од мојава мисија.Сега мислат дека филмот е ремек дело.
Во периодот на пубертетот криев дека читам книги.Овде тоа е клетва.Нема да можеш женска да завртиш ако те разберат.Одев во библиотеката рано околу 9 изутрина. Еднаш еден другар ме виде.Морав вечерта да го частам, даска да го направам да не ме заебава.
Пред некое време одам кај мојот бивш класен раководител.Да му ги вратам книгите од Тургењев. Седиме и муабетисуваме кога влегува една накинџурена и му вели на професорот.
,, Професоре може да ми препорачаш некоја книга? ,,
,, Да да што те интересира ? ,,
,, Па ако може некоја комедија? ,,
Deja vu.
Пред да тргнам на факултет ги броев деновите. Таму има интелектуалци , академски граѓани де( леле ама ме нервира овој збор).Сигурно во студентскиот дом има и голема библиотека.Рај. Кога одам ШТО? Пијанчење и КОЗЕЊЕ ( повраќање), журки .И чат пат Ог Мандино. Леле на саемот. Сите наеднаш читаат. Коелјо , Кинг и компанија.Оние пообразованите се мрчтат на комерцијалава.Ним им е тешко, поради невреднувањето на оригиналните писатели , на вистинската проза и поезија. Мене ми е супер.
Го нема Зоки Поки...

КУЛТУРЕН НОВИНАР

2006-09-03T04:04:00.001+01:00

Минејќи низ мојот привремен студентски финансиски банкрот ( студентите знаат дека трае до понеделник) единствен контакт сo светот и снабдување со информации го вршам преку весникот Шпиц ( фала на чиче Велија и на неговиот ,,латас,, Геро). Така денешниов ден осамна со една репортажа која се наоѓа на ,,неатрактиваните страници,, однoсно во делот за културата.Инаку еден новинар пре(в)нел една репортажа за еден скандал во Британија.Една реномирана книжевна куќа барала по 50 000 фунти за во промотивниот материјал да го стави насловот на некои издавачки куќи во топ 10 или да го претстави како бестселер.На издавачите не им пречело однапред но еве сега се покајали и се незадоволни,читателите исто, писателите исто итн...
Тоа не ми беше муабетов ( инаку кој сака може да си ја прочита репортажата, за да не бидам и јас како фудбалските блогови ,,фотокопир,,).
Муабетов ми беше дека новинарот не мора да ја преведува репортажата од некој старнски весник туку еднаш ( молам бога) барем еднаш не само тој туку и сите други да почнат да се однесуваат како новинари и да пишуваат , да истражуваат нивни стории и да пишуваат нивни статии. Пред очите на цела јавност на саемот на книгата грубо беше измалипулирана јавноста од рекламно-издавачката ( така милувам да ја викам)Матица.
1 Книгата теорија на хаосот беше изрекламирана како најдобра книга на деценијата а неа ја нема во топ 20 ни во Њујорк тајмс, ни на Амазон ни во некои други релевантни фактори.
2.Книгата ,,Убавицата и мародерот,, од Божин Павловски ( секоја шест кон писателот) беше повод за една ноторна и доста глупава лага.Книгата демек ке била преведена на 40 јазици( дај боже). Најпродаваниот писател во САД Џон гришам е преведен на 29 јазици, Патриша Корнвел мајстор на медицинските трилери е преведена на 35 јазици. Мислам дека Ден Браун ја достигна оваа бројка но не сум сигурен. Имено ова го открива и самиот писател кога во интервјуто за еден Дневемн весник невешто го одбегнува одговорот и вели дека има договор да биде преведена на англиски и европски!?, преку 9 издавачи.
Е тоа драги мои новинари од културниот блок треба да го изтражувате.Или се нарекувате новинари од културата затоа што не ви даваат да пишувате за политика?

ЛЕБ И СОЛ

2006-09-03T04:04:00.000+01:00

Знам дека стално пишувам скептички ама некои работи кај нас блогбрате-сестро ти се неверојтни.Пишувам за Леб и Сол мојата најомилена група( ова озбилно го мислам не оти е на мода). Како е можно по 30 години од формирањето и 10 години од последниот настап да има таква медиумска стихија.Бомбастишно беа најавени но никој не напиша повеќе од 10 реда во пишаните медиуми. Јас како припадник на помладта генерација сакам да знам каде се случила првата снимка, како е оформен бендот , први подеми, први падови, прв голем концерт , поканите од странство , па женски, пијанчења и слично. Па не УТЕПАА со Вили Вало од HИМ со ТОКИОHОТЕЛ или Бритни.Знаеме и каква четкичка за заби користат а не знаеме дека пред Леб и сол Бодан и Влатко имале друга група. Па не мора само за тоа да се знае ако некој мисли дека е неважно и не знам .... Еве на пример може да понпишат како дошлпо до фузија меѓу етното, џезот и рокот, и како тоа одекнало во светот.
Второ по радио станиците никако да пуштат нешто друго освен ,,као какао,, и ,,учи ме мајко,, . Баш би сакал да ги слушнам :исток-запад,Трач,У сенци , Под водом, Ручни рад итн.
Па луѓево имаат издадено 12 АЛБУМИ.
Леб и сол (ПГП РТБ 1978.)
Леб и сол2 (ПГП РТБ 1978.)
Ручни рад (ПГП РТБ 1979.)
Бесконачно (ПГП РТБ 1981.)
Следовање (ПГП РТБ 1982.)
Акустична траума (ПГП РТБ 1982. двоен жив)
Калабалак (Југотон 1983.)
Тангента (Југотон 1984.)
Звучни зид (Југотон 1986.)
Као какао (Југотон 1987.)
Путујемо (Југотон 1989.)
Live in New York (Third Ear Music 1991.)
Anthology (Third Ear Music 1995. двојно ЦД)
Можат да напишат дека своевремено имаат 4 последователни преполни концерти во сава центар.И ај да не тупам за се што можа да се напиже бидејќи за нив може да се издаде книга , енциклопедија. П.С Знаете дека во 1978 година се избрани за најдобра група а во 1987 се добитници на три златни грамофони?( межу другите награди) Јас не знам

КНИЖЕВНО ЛУДИЛО

2006-09-03T04:03:00.000+01:00

Ајде да резимираме нешто од областа која се трудам да ја коментирам , постирам односно од која се трауматизирам.
Ако некој длабого засегне во водите ( колку излитено ова звучи) на пишаната уметност притоа навлегува во еден друг паралелен универзум. Да да знам дека има мала доза на патетика и ненаучно дрвење во овој пост но би требало да ме разберете. За отварањето на портата на литерарниот универзум секако е предуслов притоа внимателно насочување на потенцијалниот читател во неговиот омилен жанр.Внимателно од проста причина што по подолго време ( секако доколку длабоко ја загриза книжевната јадица) оние со комплекс на невредност и слични психолошки недефинирани личности почнуваат да се губат и да се поистоветуваат со ликовите. Тоа додуша кај нас фала Богу не се случило но го има во светот. Исто така овој парадокс е присутен и во филмскиот свет, каде што na primer под влијание на STAR WORS неколку лица се хоспитализирани во душевна блоница мислејќи дека се џедаи. Истото се случувало и со Толкиновите дела и сл...
Инаку сакав да резимирам дека Македонија во ова книжевно сивило ке може да воздивне барем од овие проблеми , а и очигледно е зошто. Освен можеби јас кој што почнав да се поистоветувам со Дон Кихот а дечкото кој што работи во ова интернет кафе ( моментално дреме на столот) и го чека единствениот муштерија да си отиде е мојот Санчо Панса.
И по предлог на некои блогери а и за да се развие дебата на овој пост би додал и уште некои зборови :
Педер сум
Лезбијка сум
Дрогираш сум
Психопат сум
Повелете:

ИМЕТО НА РОЗАТА

2006-09-03T04:02:00.000+01:00

Вчера од саемот ја набавив ,,Името на розата,, од Умберто Еко.Веднаш почнав со неа и морам да ви речам дека е нешто несекојдневно , раритет, прекрасно дело па и жанрот ми се погоди( слично на трилер). Точно е тоа дека заплетот доаѓа покасно околу 100 страна но со интелектуалната превинетост и посебната наративна техника на Еко тоа ја прави уште повозбудлива, на некој начин те припрема. Инаку ако не сте запознаени дејствието се случува во еден манастир каде што е убиен еден свештеник. Прекрасно го доловува животот во манастирот а јас не можам тоа да ви го објаснам подетално затоа што ако можеви јас ќе бев познат и славенн автор.Топло ви ја препорачувам....

НЕЧОВЕЧНОСТ

2006-09-03T04:01:00.000+01:00

По мојава екскурзија во политиката ( пуста да остане) си велам ај не ја тупи, а и други ми велеа.Затоа ај да ја тупам со тоа што беше првична намена на овој блог.
Деновиве атрактивно најавено беше промовирана книгата ,,операција Амблер,, од според мене најдобриот писател на политички трилери Роберт Ладлам. Покрај вообичаените елементи ( катастрофа хартија , превод можеби не најлош но во конкуренција на најлошо преведени до сега) направена е една нечовечка грешка , бескрајно лицемерие во потрагата по шушки. Книгата се рекламира како ,,најновиот хи на Роберт Ладлам ,, човекот што е ПОКОЕН веќе 5 години. Без ни малку почит, а надевајќи се на звушноста на неговото име , книгоиздателството ,,Матица,, граби кон врвот во стил на бескрупулозните Њујоршки адвокатски куќи.( оние што одат по погреби нудејќи им милиони на ужалените ако тужат.) Ако тоа е комерцијализација на книгата и нејзина реклама ќе го цитирам ЈАНКО:
THANK YOU AND FUCK YOU

ЗА САЕМОТ

2006-09-03T04:00:00.000+01:00

Конечно единствената светлост во книжевниот мрак на оваа држава. За оние кои постојано ги следат случувањата во издаваштвото во македонија ова е една сублимација на досега стореното односно осврт на иминатата година со неколку темпирани нови наслови. За останатите ова е можност за дружење со книгата на која се сретнуваат од саем на саем. Оттаму и неупатеноста и залетувањето по ,,распродажбите,, од по 50 денари и слично. Она што ми остави впечаток на овој според мене уште еден блед саем е

НАЈДОБРИТЕ ДЕЛА НА ДОСТОЕВСКИ

ПО ЦЕНА ОД 100 И 200 ДЕНАРИ
( на штандот на Табернакул хала 3)

ПРВИОД ПРЕВЕДЕН РОМАН НА СТИВЕН КИНГ

,,МОБИЛЕН ТЕЛЕФОН,, ЦЕНА 450 ДЕНАРИ
( на штандот на макавеј хала 4)

Исто така мора да предупредам на големите разлики во цените.Трилерите на Ники Френч на еден штанд се по 700 додека на друг по 290 денари. Исто и за изданијата на МЕГАХИТ од белдрад( Гришам,Ладлам) на едно место по 700-800 а на штандот на ТРИ по цени од 200-300 денари

И за крај НАЈПРИЈАТНО ИЗНЕНАДУВАЊЕ

На Штандот на англискиот центар на крајот на хала 4 најдобрите светски дела како
- Дракула
- Рудниците на соломон
- Последниот мохиканец
- Романите на Артур Конан Дојл за Шерлок Холмс и уште стотина други наслови

ЗА ПОЧЕТНИЦИ

2006-09-03T03:59:00.001+01:00

Ако мислите дека состојбата во Македонија (барем од областа на литературата) е очајна се лажете.Бетер е.Не може да се разговара за една култура(на нашки кажано навика) на читање ако не ви се издадени најпознатите наслови од областа на белетристиката односно mainstreem-от. Тоа е жанрот што ја предизвикува и ја навлекува читателската публика.Тоа е еден почетен стадиум во кој се ствара односот на човекот кон книгата. Може да звучи чудно или можеби претенциозно но само сетете се на важите најинтересни дела кои ви привлекле внимание па кажете на кој жанр припагаат.Речиси не постои земја во светот која ги нема преведено Стивен Кинг,Патриша Корнвел, Сидни Шелдон,Балдачи , Патерсон, ...( не сум ви јас крив ако некој не ги знае овие ИМИЊА). Пред околу шест месеци беше изрекламирана книгата 13 проблеми од Агата Кристи ( втората најпреведувана и издавана по библијата). Тоогаш ми самна дека тоа е всушност втората преведена книга од оваа авторка ( по ,,убиство во ориент експрес,, преку Утрински). Сега бомбастично е најавено дека на штандот на Матица на саемот во мај главен адут ке биде новиот роман на Роберт Ладлам ( авторот на Борнов идентитет, Алтманов код) , замислете првиот преведен роман од овој автор во Македонија . Па дури и гордо се најавува како да има некоја монументално значење. Па без тие неиздадени дела вие не постоите во издавачкиот свет. Со едициите сме катастрофа . Се издава роман само ако е екранизиран. па што ќе ми е тогаш кога ја знам целата суштина. Да , да еве го издадоа ,,Минхен,, филмот на Спилберг.Но тоа не е толку жално колку што е смешно издавањето на романот ,,шиндлеровата листа,, филм снимен во црно бела техника пред 30 години.Јасно е дека според нивните истражувања( ако не свативте цело време зборувам за издавачките куќи) филмуваната верзија на книгата носи бесплатна реклама но превземете обврска ако не поради унапредување и промоција на тоа од што живеете барем поради парите ( нашите пари ) кои ги влечете од владата за издавање на безвредни дела од македонските ,,писатели,,..

KOJ E КРИВ

2006-09-03T03:57:00.000+01:00

Македонија е нација што не чита книги.Македонија е нација што чита книги.Македонија е нација што не чита ама сака да чита, или не чита оти нема пари време... . Бре мајката. Па оваа гранка била заборавена од државата па не давала пари за издавачите за да можат без труд и мака да се богатат. Можеби мислите оти грешам ама еден од главните виновници за тоа што не можеме да прочитаме ниту еден светски познат наслов е нивна главна вина. Кога се ,,омрсија ,, од Ден Браун (Кодот на Да винчи) имаше едно затишје додека ги броеја златниците навечер и се смешкаа . Се жалат дека од издаваштвото немало пари а верувале или не книгите ги продаваат поскапо од западните земји. И самите велат дека не плаќаат авторски права , имаат повластена даночна стапка, плаѓаат 1% данок на увоз колку да се каже, па во една изјава минатата недела лицемерно изјавија дека и тие 1% процент им било оптоварување па да ги скрателе и тие. И додека во западните земји цените на книгите се движат од 8 до 15$ види чудо и кај нас истите цени без да плаќаат даноци и разни давачки. А што добиваме ние за возврат.Пред некој ден ја купив бомбастично најавената ,,книга на деценијата,, теорија на хаосот од Џонатан раб. Кога завршив со читањето рацете ми беа црни како да сум лупел ореви. Штампана како и сите други на рециклирана хартија која во западните земји ја одбегнуваат и како тоалет( штетна за задникот). Книгите се продаваат по промотивни цени како на пример ,,Случај патоказ,, од Јан Пирсинг. Кога кај нас се продаваше за 630 денари ( 12,5) долари во САД се продаваше за 12$( квалитет на ниво). Можете да си ја замислите оваа перверзна ситуација? Јас не можам и стално добивам не мека туку течна столица при некое жалење или кукање на издавачите за нивната катастрофална состојба. Немојте да ве лажат дека е причината е малиот тираж затоа што токму поради малиот тираж се ослободени од издавaчите на авторите. И уште еден совет. Кога ке изрекламираат некоја книга како прв бестселер во светот ,,тркнете ,, до AMAZON или NEW JORK TIME BESTSELLER .Многупати ги немало ни во првите 100.
-->